Althaea officinalis (cunusìda 'n bresà col nòm de bonaésccGiovan Battista Melchiori, Vocabolario bresciano - italiano, 1817, pag.79) l'è 'na spéce de piànta erbàcea che fà part de la famìa botànica de le Malvaceae. cultiàda zamò 'ndèla antichità per vìa de le sò proprietà medicinài.
Descrisiù Piànta perène, erbàcea, co la raìs carnùza furmàda de divèrsi füs storzégn, biànch de dét, zalcc de föra; i gamp i g'ha 'na pelüria spèsa, dricc e nömerùs, sèmpe o poch ramificàcc, 'nfìna a 1,5 m.
210px|left|thumb|fiùr Le fòie le g'ha 'n gambì cürt e stìpole, i è altèrne, palminèrvie, peluzète sö töte dò le fàce. I è 'ntréghe o a 3÷5 lòbi: chèl centràl l'è piö gròs.
I fiùr 3÷5 ghèi, portàcc ensìma a pedùncoi che é fò a la sèa de le fòie o 'nsìma ai ram de la piànta. I pétali i è culùr ròza ciàr. I fiorés 'ntra Magio e Óst
I fröcc i g'ha 'na pelüria bèla fìna e spèsa, e i è furmàcc de divèrsi achéni mitìcc a sércol giü arènt a l'óter aen nömer de 10 o vint e a fùrma de rugnù.
Habitat Se la tróa de spès en pòscc ömecc, dré ai fòs, pò a 'n prezènsa de àiva salmàstra, dei 0 ai 1200 méter sùra del leèl del mar.
Sinònim Althaea officinalis var. obtusifolia; Althaea taurinensis Althaea micrantha Borbás 1888 Althaea kragujevacensis Pancic 1874 Althaea balearica J.J.Rodr. 1904 Malva officinalis (L.) Schimp. & Spenn. in Spenn. 1829 Malva maritima Salisb. 1796 Malva althaea E.H.L.Krause in Sturm 1901 Althaea vulgaris Bubani 1901 Althaea sublobata Stokeshttp://www.tela-botanica.org
Riferimèncc
Categoria:Malvaceae