La Val de Preda Rossa (Valle di Preda Rossa) l'è ona sotta-vall de la Val Masen, in di Alp Retegh. A l'è la vall pussee oriental de la Val Masen, e la confina a est con la Val Malench (a travers del Pass de Corna Rossa) e a nord-ovest con la Val del Camerasc (a travers del Pass de Pioeuda). L'è cognossuda perchè l'è la vall del mont Desgrazzia, vuna di montagn pussee alt e important de la Lombardia. In tra i alter scimm important a cuntom la Scima de la Remoluzza, el mont de la Pioeuda e la Scima de Corna Rossa. A travers de la vall a ghe passa on tocch del Sentee Roma, che 'l mena de la Val Codera fina a la Val Malench. In su la via a se pò trovà el Rifugio Cesare Ponti. Forsi a l'è ciamada inscì per el color di sò prej, soratutt in sul versant oriental de la vall. La part pussee alta de la vall a l'è dominada de la vedretta del Desgrazzia. Vos corelaa Desgrazzia Pass de Pioeuda Pass de Corna Rossa Val Masen Categoria:Val de Preda RossaCategoria:Val Masen