Ij œuv che vegn di usej domestegaa, soratutt quij de gainna, fann part del mansgià de tucc i dì di uman, e anca de tanc animaj,Kenneth F. Kiple, A Movable Feast: Ten Millennia of Food Globalization (2007), p. 22. grazzia a la sova fazil digestion e al so volt contegnuu proteich.
Variedaa L'œuv de la pitta l'è de segur el pu cognossuu e 'l pu consumaa de tucc, però intra quij pussee comun besogna anca noverà quell de aneda, quell de polla, e quell de struzz che l'è putost grand e 'l po rivà a pisà püssee de 13 ett.
Parvenza El contegnuu de l'œuv l'è quattaa del guss, che, de sollet, l'è besg o bianch de color. L'œuv el gh'ha on cuu e 'na guzza. Fà cunt de balanzà on œuv in su 'l so cuu l'è ben dura, e squas impossibel, senza ris'cià de s'ceppall. Ona vœulta s'ceppaa 'l guss, dent de l'œuv trœuvom tutt intorn el carlamm, on film bell sottil, e dent del carlamm gh'emm pœu 'l ciar che l'è ricch de protein, e in fin el rossumm cont chel so tipegh color ross naranz.
Us culinari
Ij œuv hinn bon de fà tanc piatt, coma per esempi, ij œuv a la coch, ij œuv in cereghett, ij œuv strepazzaa, etc. Ij œuv servissen anch in del fà la majones, la briosc, e, per l'appont, la pasta a l'œuv.
Ris'c per la salud umana Ij œuv hinn la font la pu comun de salmonella. La reson l'è che rest de escrement del cuu de la gainna poden 'gnì a contatt cont i tocch intern de l'œuv, e, se majaa fœura cru poden fà on gran maa a la salut.
Insci de ris'cià no, a l'è mej fà insci: Consumà œuv cruu domà quand che vun l'è segur che sien ben nett. Nettà ben ij œuv innanz de majàj. Fa ben attenzion che, ona vœulta overt, ij œuv hinn minga a contatt cont el sporch de gainna.
Fatt curios L'œuv l'è la cellula animal, la pu granda, cognossuda in su la terra al didincœu.
Referiment
Ligam in su la red
Categoria:Oeuv Categoria:Ingredient de cusina