Üràch d'Òi (en Italià: Urago d'Oglio), l'è 'n cümü de de la Pruvìncia de Brèsa sitüàt endèla Bàsa Bresàna Ucidentàl a 31 km a Òvest de la cità de Brèsa söl cunfì co la pruvìncia de Bèrghem.
I sègn piö antìch de la prezènsa de l'òm endèl teretóre de Üràch i è dei rèscc de l'étà del Bróns che i è stacc troàcc endèla zòna a Nòrt del paés, endèla località ciamàda Castelér, endóche la feruvìa la pàsa sùra al Òi. Endèl stès pòst gh'è saltàt fò apò a le ruìne de na custrusiù de época romàna.
Üràch l'è lüminàt endèi posedimèncc del Vèscof de Cremùna endèl sècol X. Chèsta apartenènsa l'è confermàda endèna bóla del papa del 2 de noèmber del 1187, endóche se pàrla d'en castrum Uradi.
Entrà 'l 1100 e 'l 1200 i frà biniditì cremunés i fà fà sö 'na faturìa, regordàda 'ndèl nòm Muntagnìna dei frà. Enfìna al 1784, Üràch, aisebé che 'l fès part de Brèsa, l'è stat sóta la diòcezi de Cremùna.
Evulusiù demogràfica
Riferimèncc
Categoria:Bassa bressana