El Camp di Fior (Campo dei Fiori) l'è on massiv de montagn in di Prealp Luganes. A l'è volt 1.227 meter sora el nivell del mar (ponta Paradis) e 'l domina la città de Vares, de la qual a l'è vuna di atrazion principai. Defatt el Camp di Fior a l'è ona località toristega ben famosa, sia d'estaa che d'inverna. A l'è staa despess anca ona meta del Gir d'Italia. L'è cognossuu per i sò bosch de foo, de castan e de abiezz. El sò ambient a l'è proteggiuu de on parch regional (che 'l gh'ha la soa sede al Brinsc). Al Camp di Fior a gh'è anca on famos center astronomegh.
Categoria:Montagne de la Lombardia Categoria:Vares Categoria:Scime de 1200 meter Categoria:Prealp Luganes