Tremezzina (parnonzia local: [treme'dzina]; italian: Tremezzina) l'è on comun de la Provincia de Comm. Ghe viven 5.060 personn. El paes el se troeuva in su la riva del Lagh de Comm, pu o manch in del pont indè che se spartissen i duu brocch del lagh. A l'è stada formada per la prima voeulta in del 1928, con l'union di comun de Tremezz, Lenn e Mezzegra. L'union l'è terminada in del 1947, ma l'è stada recostituida de noeuv in del 2014. In quella ocasion chì, gh'è staa giontaa anca el vegg comun de Ossusc. In de la Tremezzina gh'è on gran numer de hotel de lusso, vill de sciori e parch. In de la frazion de Ossusc a gh'è on Sacher Mont, menter in del paes de Giulin hann coppaa el Benito Mussolini.
Vos corelaa Villa Leoni (Lagh de Com) Villa Playboy (Lagh de Com) Ossusc Lenn Mezzegra Tremezz
Categoria:Comun de la provincia de Com Categoria:Comun del Lagh de Com