On cumulonemb (breviazion: Cb) o nivolon l'è ona nigola a desvilupp vertical. La se desviluppa in condizion de instabilità atmosferega. L'è la nigola pussee granda. El sò nomm el vegn di paroll latinn cumulus e nimbus e 'l voeur d' "mucc de nigoi". I cumulonemb poeuden portà pioeuva e tempesta.

Tipi Ghe n'è de du tipi: Cumulonimbus calvus (Cu cal); Cumulonimbus incus (Cu incus).

Aspètt

Analisi del cumulonemb Incudin La forma de l'incudin la dà informazion su l'età e sul'organizzazion del temporal che l'hà fada su. se l'incudin a l'è sfranzada e i cirri fals a l'è perchè la corrent ascendenta l'è debol oppur el temporal a l'è adrée a starlattàss; se l'incudin l'è nò uniforma el voeur dì che la crescita del cumulonemb a l'è intermittenta e irregolar; se l'incudin a l'è slongada a l'è perchè a gh'è di vent fòrt ai livèj de sora (tipich di temporaj che gh'ànn on ass de travèrs che i sò precipitazion ghe dànn nò fastidi a la corrent ascedenta; se l'incudin a l'è sviluppada anca sora-vent ind ona direzion contraria a quèlla di vent in quòta (corrent ascendenta) fòrta bona de andagh contra di vent in quòta. se ona noeuva incudin la se foeurma sora ona vèggia incudin a l'è perchè a gh'è on temporal che l'è drèe a diventà anmò pussée fòrt.

Formazion de nivol in su l'incudin In su l'incudin pòden vessegh l'mammatus e i knuckles: i mammatus pòden trovass sia in temporal fòrt sia in quèj débol, inveci i knuckles se troeuven domà quand che gh'hinn di corrent ascedent fòrt bon de ingeneràa anca tempèsta.

Formazion in su la sommitaa Ona cupola in su la sommitàa la se forma quand che gh'è ona corrent ascendenta molto fòrta. Se la cupola a l’è persistent (pussée de 10 minùt), l’insegna di super-cèllul attiv con el ris’c de tempèsta e borineri; se a l’è temporani el temporal a l’è pulsant con fasi de brutt temp e tempèsta ma senza tromb d’aria; se la cupola la se presenta a cicli, alora l’insegna on temporal a super-cèllula che ‘l se ripètt e l’è bon de ingenerà di tromb d’aria multipli.

Alter tipi de nivol a capùcc hinn i pileus: Anca chesschì hinn el segnàl de corrent ascedent molto fòrt.

Bòrd vertical del cumulonemb Se gh'è di sfilozzadùr (cumulus fractus), alora el gradient vertical a l'è scars e la corrent ascedenta a l'è débol, ma se borlen giò comunque di gott di nivol piscinìtt (compagn di cumulus fractuso di altocumul) el voeur dì che gh'è acqua molto frèccia in quòta cont el ris'c de fòrt temporaj. Se gh'è su tanti crescénz ma pìccoj alora al'è compagn del caso di knuckles e l'è el segnàl d'ona corrent ascendenta molto fòrta.

Base del cumulonemb on color verdìnn o gialaster l'insegna la presenza de tempèsta, ma se l'è molto giald perchè la filtra la lus alora el voeur di che 'l ciel l'è adrée a s'ciarìss. Fass de precipitazion Di acqueri fòrt senza fulmen hinn tipich de on temporal in formazion o in esauriment; di acqueri fòrt con fulmen insegnen on temporal in fase madura; di fass de precipitazion bianch insegnen la presenza de nev o tempèsta.

Riferiment

Categoria:Meteorologia