El Lissander Brasca (Milan, 1967) l'è un lenguista e cantaudor lombard.
Lauread ind Lengue e Scienze lenguistege cond una tesi in sui sintagma interrogativ lombards, l'è dotor de recerca in lenguistega (PhD) cont una tesi in su la classifegazion del gall-"italeg" e al lavora come recercador de lenguistega a l'Universitaa de Bangor, in Galles. L'è member de l'International Research Group on Contested Languages ("Grup de recerca internazional in sui lengue contestade"), guidad (intra i olter) del professor Marc Tamburell, col qual ind el 2017 l'ha publegad un stude in sui lengue gall-italege. Revisiting the classification of Gallo-Italic: a dialectometric approach, Articol divulgativ de l'autor in sui resultads
Museg polistrumental, l'ha invivad la carera de cantaudor ind i agn '90. L'ha partecipad a'l Premio Tenco ind el 1995, ma dop l'ha desmetid per recominçar con la musica ind el 2009. Ind i ultem agn l'ha conlaborad con divers artista compagn de Vinicio Capossela, Bèpi & The Prismas e Davide Van de Sfroos. 28/07 - Lissander Brasca. Un cantautore lombardo Ind el 2010 l'ha produxid un album musegal intitolat Sot la Cender. In qella opera qì i canzon i enn scrivide ind una koinè lombarda artistega, çoè ind un mes'ciot de forme ciapade dei vare dialets inventada de l'autor per esijenze de espression. Tute i canzon i enn staite scrivide, ranjade, cantade e sonade del Lissander. Storie di Cantautori Pt.3 – Lissander Brasca, Ninfa Giannuzzi, Manè, Nidi di Nebbia, Giuseppe Reghini
Ind el ann dop l'ha dait a la stampa Scriver Lombard, un liber indove qe al inxubiss una grafia polinomega unifegada per tuts i dialets de la lengua lombarda.
Riferiments
Categoria:Nassud a Milan Categoria:Lenguista italian Categoria:Cantant in lengua lombarda Categoria:Nassud in del 1967 Categoria:Cantant italian