La stràge de Piàsa de la Lòza l'è stat en atentàt terurìstich che gh'è stat fat ai 28 de màgio del 1974 a Brèsa, en Piàsa de la Lòza, giöna de le piàse piö 'mportànte del cèntro de Brèsa. L'atentàt el g'ha fat òt mórcc e 102 i è restàde ferìde.Registrasiù sonóra uriginàla dei momèncc de l'atentàt. 'Na bómba, scundìda dét a 'n sedèl del spórch, pròpe sóta a l'orolòi dei "macc de le ùre", l'è stàda fàda s•ciopà entat che gh'ìa 'n córs 'na manifestasiù cùtra 'l terorìsmo terrorismo neofasìsta organizàda dei sindacàcc e del Cumitàt Antifasìsta co la prezènsa del sindacalista de la CISL Franco Castrezzati, de l'on. del PCI Adelio Terraroli e del segretàre de la "Camera del Lavoro" de Brèsa Gianni Panella.
I facc A le 10 e 12 minücc del 28 de màgio del 1974, entàt che 'l segretàre de la Federasiù dei Laoradùr Metalmecànich (FLM) Franco Castrezzati l'ìa dré a fà 'l sò discórs, en piàsa s•ciòpa la bómba che gh'ìa stat scundìt endèn sedèl de la spasadüra en bànda a la colòna de màrmor dei pórtech, arènt a la piö meridiunàla de le dò fontàne presapóch sóta al'orolòi dei "macc de le ùre". El bòt l'è sèch, potènte, se léa 'n pó de föm gris-celèst e se sènt 'n udùr àgher. La zét la ùza la smadóna la scàpa compagn che la pöl. En tèra rèsta sés mórcc e 'na quach donzéna de ferìcc vergü gràvi, du de chèsti i mörarà quach dé dòpo per le ferìde.
I mórcc i rezültarà éser: Giulietta Banzi Bazoli, 34 agn, profesorèsa Livia Bottardi Milani, 32 agn, profesùr Euplo Natali, 69 agn, pensiunàt Luigi Pinto, 25 agn, profesùr Bartolomeo Talenti, 56 agn, operàio Alberto Trebeschi, 37 agn, profesùr Clementina Calzari Trebeschi, 31 agn, profesorèsa Vittorio Zambarda, 60 agn, operàioLe vittime
Riferimèncc
Categoria:Storia italiana Piassa de la Loza