L'Ovestron o Lengua Comun (nomm nativ: Adûni o Sôval Phârë; ingles: Westron) l'è ona lengua inventada creada del scritor ingles John Ronald Reuel Tolkien per i sò romanz fantasy ambientaa in de la Terra de Mezz. A l'è on lenguagg doperaa di Omen e 'l deriva de l'Adûnaich (la lengua parlada di Omen de Númenor) e i sò contatt cont i parlà de la costa ocidental de la Terra de Mezz. In de la Terza Età (el period indè che l'è cuntada la storia de El Hobbit e de El Scior di Anei) a l'è probabilment la lengua pussee parlada e cognossuda. L'Ovestron el gh'aveva on mucc de dialett, trai quai a gh'è 'l kuduk, parlaa di Hobbit. In di liber del Tolkien a gh'è pocch paroll in Ovestron, perchè 'l scritor l'ha mai dedicaa tropp temp al sò desvilupp e l'ha sostituii con di termen in ingles modern. A bon cunt el ne resta anmò on quai nomm de sit e de persona, trovaa soratutt in di liber postum. Esempi de lengua Nomm de sit Branda-nîn: Brandivin (sindarin: Baranduin) Karningul: Gran Buron (sindarin: Imladris) Phunuragian: Khâzad-dûm Sûza: la Contea Nomm de persona (kuduk) Banazir Galbasi: Samvise Gamgee Bilba Labingi: Bilbo Baggins Kalimac Brandagamba: Meriadoc Brandibuck Maura Labingi: Frodo Baggins Razanur Tûk: Peregrin Tuc Varda anca Lengua adûnaica Ligamm de foeura A proposet de l'Ovestron O