El Carl'Antoni Tanz (italian: Carl'Antonio Tanzi; Milan, 1710 - Milan, 18 de magg del 1762) l'è staa on poeta milanes. Vita e oeuver
L'è nassuu in d'ona veggia fameja nobela milanesa, che però ai sò temp l'era minga inscì sciora. In ogni cas l'è staa bon de fà el letteraa e fà on mestee decoros. A l'è consideraa, insemma al Domenegh Balestree, vun di autor pussee important de la letteradura milanesa del Settcent, cioè 'l period in mezz tra el Carlo Maria Magg e 'l Porta (quest chì le considerava vun di omenoni de spallera de la letteradura milanesa antiga). L'era member de l'Academia di Trasformaa, de la qual a l'è devegnuu el segretari fina a la mort. Insemma al Balestree, l'ha tolt part a la Brandana, cioè la polemega letteraria che la vedeva combattes sostegnidor e denigrador del milanes. Malaa de tubercolosi de quand che l'eva gioven, a l'è mort in del 1762, a cinquantaduu agn.
Cantada O tosann, sti vost campann m'hann mò rott la devozion: din dan, din don, don, don don, tutt e quant el santo dì fina in l'ora de dormì.
Possa rompessegh la corda, a la monega balorda, che ha tant gust a battaggià; e tarlacch! possela andà cont on tocch de corda in man a dà in terra el fabrian. Interprogèt
lmo.wikisource In mort del sur segretari Largh e del sur curat Simonetta, Accademegh Trasformaa Cantada Calepin sora el mangià oldwikisource:Att de contrizion Amor, te see nassu par fà immattì Savii chi l'è quel master de capella
Sora la spilorceria
Bibliografia Alcune poesie milanesi, e toscane di Carl'Antonio Tanzi, Milano: per Federico Agnelli, 1766 (CXXXII, LX p.), prefazion del Giusepp Parin Nuova antibrandana di Carl'Antonio Tanzi, Lugano: nella stamperia privilegiata della Suprema Superiorita elvetica nelle Prefetture italiane, 1760 (XX - 80 p.) Poesie di Girolamo Birago, Pietro Cesare Larghi, Stefano Simonetta, Carl'Antonio Tanzi, Milano: presso Giovanni Pirotta, 1816 (383 p.) -Vol. 4 de la Collezione delle migliori opere scritte in dialetto milanese a cura del Francesco Cherubini. (test online su Google books) Carl'Antonio Tanzi, Le poesie milanesi (a cura de Renato Martinoni), Pistoia : Can bianco, 1990 (XXVIII, 324 p.)
Categoria:Autor in lombard Categoria:Nassud a Milan