thumb|330x330px|El baget, per esempi, tipeg ind la musega tradizionala lombarda, a l'è un strument musegal de la familia dei aerofon. I struments musegai i inn dei ojets drovads a far de la musega. Tut qell qe 'l pœl far su son al pœl vesser cunsiderad un strument musegal, ma el termen in jeneral al vœl referir-s a ojet specifegament fait per far musega.
I struments musegai i pœden vesser spartids in categurii: Cordofon o struments a cord (spizzegads o sonads cont arc), indov a jenerar el son a l'è la vibrazion de i cord (comè el violin). Aerofon o struments a fiad, indov una balaustra d'aria la passa denter a'l corp del strument e ind el vibrar la fa so son (comè el penfer). Membranofon (comè 'l tambur), indov a jenerar son ge vœl una membrana qe la vibra (cont l'usaj de man o de ojet faits aposta) Idiofon (per esempi la Marimba) indov a l'è l'istess corp del strument qe, ind el vibrar indeperluu, al manda fœra del son. Eletrofon, indov el son al vegn jenerad cont un circuit eletreg o per un'induzion eletromagnetega.
Ind la storia
La storia dei strument musegai la g'ha principi cont el principi de la cultura umana, quand i veniven drovads in riti e cerimonie, e qesto usaj al seguta, naturalment anca incœ, in tants culture minga ocidentai. La data e l'orijen del prim strument a l'è ojet de dibattit intra i studios. In seguit, i divers culture i hann sviluppad la composizion e l'esecuzion de melodie per l'intratteniment, e con l'evoluzion de la lor applicazion i cambien i struments.
Tuts i struments musegai, cont l'ecezion de qei elettrofon, i inn staits citads ind la leteradura antiga, comè i iscrizion Egizie e la Bibbia o probabelment anca in epoca precedent. El corp uman, bon de jenerar sia la vox qe soni percussiv, podariss vesser stait el prim strument musegal, o forsi i preie e i cepp vœds. Flaut de circa 9.000 agn passads, i inn staits ritrovads ind i sits arqeolojeg de la Cina. El flaut de Divje Babe trovad in Slovenia 'l risulta haver circa 41.000 agn.
Classificazion I struments musegai i pœden vesser classificads segond tants criteri. Intra i plu diffus qell basad in su l'usaj qe ne fa el strumentista, diffus fess e ripres ampiament ind la strutura de un'orqestra, e qell basad in sul metod de produzion del son, ind la version occidentala cognossud comè sistema Hornbostel-Sachs, cont un predecessor storeg ind l'India intra el 200 inanz e despœ Crist ("Nātyaśāstra/Bharata Muni").
La classificazion dei struments musegai a l'è una disciplina qe la sta indeperlee, per la qual i inn staits ideads vari sistemi ind i agn. I criteri plussee comun de classificazion i inn l'estension del strument, la soa grandeza, el material del qual a l'è fait o la manera ind la qual el son a l'è emetud, comè ind el plussee famos metod accademeg, la classificazion Hornbostel-Sachs. La scienza qe la studia i struments musegai a l'è ciamada organolojia. La pœl vegnir anca segond criteri divers, per esempi cont una differenziazion dei carateristege comun, o i tecnege de usaj, o el camp de aplicazion, per orijen jeografege.
Ad us del strumentista A l'è la classificazion orientada a la strutura de l'orqestra sinfonega e la se scompartiss donca in:
struments a arc struments a fiad (loton e legn) struments a percussion (idio- e membrano(fon)) struments a tastiera struments a spizeg struments eletreg o eletroneg Note
Riferiments Enciclopedia Britannega
Categoria:Strument musegai