miniatura|I sett fradej Cervi in on franch-boll del Kirghizistan (2005). I sett fradej Cervi, el Gelind, (nassuu in del 1901); l'Antenor (1906); l'Aldo (1909); el Ferdinand (1911); l'Agostin (1916); l'Ovidi (1918); l'Ettore (1921), a eran i fioeu de l'Alcide Cervi e de la GenoeffaLa storia di Cervi El nòmm propri a l'è Genoeffa, non Genoveffa, comè vari font a disen CocconiLa storia di Cervi. I sett fradej a faseven part d'ona fameja de contadin che gh'aveven di fort ideaj antifassist; donca, anca lor a eren omen dotaa de fort ideaj democratigh e hann faa part de la Resistenza partigiana ma a hinn staa impresonaa e fusilaa da i fassist el 28 dicember 1943 in de la cittaa de Règg.
La soeu stòria a l'è stada contada anca dal soeu pader, l'Alcide CerviAlcide Cervi, I miei sette figli, edizione Einaudi 2010..
Origen fameliar e contest social L'Agostin, pader de l'Alcide e vun di coo de la rivòlta contra i tass sora el masnaa in del 1869, a l'è staa arestaa e menaa in preson per ses mes. In del menter, el toeu in miee la Virginia e i duu gh'avran trii fioeu: el Peder, l'Emili e l'Alcide. On alter fioeu, l'Ettore, a l'è staa adottaa. L'Alcide el toeu in miee la Genoeffa Cocconi, in del 1899, e del sò matrimoni a nassen, in vint agn, noeuv fioeu, sett bagai e duu tosann: el Gelind, l'Antenor, la Diomira, l'Aldo, el Ferdinand, la Rina, l'Agostin, l'Ovidi e l'Ettor.
In del 1920, l'Alcide el lassa la cà del pader per andà a viv cont la sò fameja in on lòtt de teren a Ôlem de Gattatich. Cinch agn despoeu, la fameja Cervi la cambia cà ancamò e la và a viv in on lott de teren in zona Quartieri in del comun de Campésen inde la tegnuda ciamada "Valle Re", che a l'era de la resgiôra Levi-Sottocasa. La fameja la fa ancamò San Martin in del 1934 inquand gh'ha ciappà in ficc on fondi a Câmp Ròs, in del comun de Gattatich: cont quell'ultem San Martin chì la fameja l'ha mïoraa i sò condizion perchè da vess di bosin a hinn deventaa di fittavol.
La fameja a l'è caraterizzada de la fort personalidaa de la mader Genoeffa e da la voeuja di on quaj fieou de fà de mej. A bon cont, a sugutaven a ciappà tucc i decision pussee important insemma: quella coesion chì e la voeuja de fà de mej, insemma a l'unitaa de la fameja, a hinn staa a la baa del desvilupp tecnegh de l'azienda e anca per la scerna de fà part de la Resistenza.
L'evoluzion de la fameja Cervi a l'è stada inguaa al model de desvilupp di famej contadin di chì part chì che, intra el Vottcent e 'l Noeufcent (in particolar despoeu del period de la prima guerra mondiala), l'ha veduu mudaa i gerarchii sociaj che, del vess autoritari comè eren, a eren dree a deventaa pussee di form de impiant de massa per la difesa del lavô ligaa a l'ideologia socialista che, donca, vegneven a vess cooperativ, cà del pòpol, mutov, ligh de resistenza, camber del lavô.
Resguard i Cervi, comonque, la novitaa a l'era (si come 'l contratt de ficc i faseva laorà el lott e la cassina segond i regol del fittavol e minga del resgiô) de portà d'avanz idee de vanguardia inde la gestion di camp e di staj. Se contentaven minga de soraviv amalastant comè i soeu gent: per andà-foeura de la malora e del smagriment, i Cervi a capissen che a besogna doperaa minga domà i muscol ma anca el coo. Donca, anca se gh'aveven on fond che l'era minga inscì in flore, s'a hinn daa de fà per desfigural soratutt cont el studi de l'agricoltura sora i liber. Anca se in campagna minga tucc saveven legg, i Cervi a eren bon de legg, e minga apena per el lavô, ma anca per el soeu piasè: donca, la soeu biblioteca personala la sugutava a deventà semper pussee granda. Intra i soeu liber a gh'era on quajdun resguard l'apicoltura, alter resguard el metod per fà vegnì-su mej el formenton e l'uga (a eren, donca, liber de ona quaj consistenza, vist el period).
Da vuna part i giovin de la fameja, donca i fradej, a frequenten i cors de formazion profesionala resguard al lavô de la terra, da l'altra el pader el fà ottegnì riconosciment scrivuu per l'ecelent gestion de la tera gestida da la famejaFoto de diplomma e riconosciinent conservà in del Museo de Cà Cervi.. El simbol de la modernitaa de l'azienda familiara el se pò vedè in del trattor Balilla, compraa in del 1939, che 'l Lucian Casali ha mettuu comè titol de on gross articol dedicaa a la fameja CerviLuciano Casali, "Il trattore e il mappamondo. Storia e mito dei fratelli Cervi", in Storia e problemi contemporanei, n. 47, gennaio-aprile 2008, pp. 125-138..
Ona fameja antifassista Nassuu in del 1875 da l'Agostin e la Virginia Cervi, l'Alcide Cervi se uniss fin da inquand a l'era giovin comè al moviment che 'l deventerà, poeu, el Partii Popolar, e a l'è tutavia moltissim condizionaa da la teoria del socialism "umanitari" del Camill PrampoliniAlcide "Papà" Cervi, in Anpi.it. URL consultato in data 11-08-2012..
In del 1934, despoeu che a l'è andaa a viv cont la fameja in del lòtt de Campi Rossi in del comun de Gatâtich, el scomincia l'attivitaa de fittavol d'ona camatta che prestin, anca mersì a l'ajutt di fioeu, la farà deventà pienament produttiva. In chesta realtà chì l'Alcide se òcupa de la vendita di prodott de la fattoria.
A l'inizzi de la segonda guerra mondiala, la cà Cervi la deventa un ver e pròpri loeugh del circolazzion infra i militar de idee contrarie al fassism e a la guerra. Insemma ai sò bagaj, l'Alcide la fà-sù l'inscì ciamada "Banda Cervi", votada a la lòtta partigiana.
La partecipazion a la Resistenza Partigiana L'inconter cont el "Facio" I sett fradej Cervi s'a hinn incontraa cont el "Facio" (che l'è el soranomm del Dant Castellucci) apena inanz di fatt che hann portaa a la crodada del fassism in del 1943Storia della famigli Sarzi, dal sito del Museo Cervi.. El "Facio" el deventerà el coo de la bregada partigiana "Guido Picelli" e a l'è deventaa asquas ona legenda inquand, cont on gruppin partigian de domà vott omen, gh'ha costringiuu a fà scappà-via ona centenna de nazifassist «... combatté più volte contro le forze nazi-fasciste, distinguendosi per capacità ed abnegazione: prima in Emilia, al fianco dei fratelli Cervi, poi sull'Appennino Parmense e in Alta Lunigiana, diventando celebre soprattutto per il vittorioso, leggendario scontro armato del Lago Santo parmense del marzo 1944.» Da "Il rovescio della medaglia" , articolo di Carlo Spartaco Capogreco su Dant Castellucci. despoeu che la picinina pattoglia partigiana, anca se l'era circuida di nemis, ha sbertì e ferii on alt numer de quest chì. A la fin de la guerra anca el Facio a l'è staa fusilaa da i sò compagn cont la controvèrsa acusa de ladraria.
La "banda" Cervi Despoeu on cicin de temp la cassina de la fameja Cervi a l'è deventaa port sigur per i antifassist e partigian ferii, insemma a i presonee forest scappaa via di nazifassist. Intra quest chì, l'Anatolij Tarassov, soldaa sovietigh menaa in preson e, despoeu, menaa in on camp de concentrament talian, da indue a l'è reussì a sortì insemma al tenent Viktor Pirogov, e hann trovaa scondili indela cassina di Cervi. I duu ex-soldaa de l'Armada Rossa a scriveran on liber sora la soeu vicend e sora la fameja Cervi cont el titol Sui monti d’Italia. El Tarassov a l'è staa ciappaa insemma a i Cervi la nocc del 25 de november 1943 e menaa in preson a Verona, da indue a l'è scappaa insemma a alter sovietigh per poeu andà contra i nazifassist tucc in ordin spans in di part de Regg e Modna, andand a fà-sù ona bregada partigiana che la gh'aveva el Tarassov comè comissari politigh. El tenent Pirogov, cont el nomm de battaja "Modena", a l'è deventaa, al contrari, el comandant di operazion militar de la bregada sovietiga.
Tant alter ex-presonee sovietigh s'a hinn sconduu da la fameja CerviIndel 1965 l'Alcide Cervi a l'è staa titolaa da l'Union Sovietega cont l'Ordin de la Guerra Patriotiga de Prima Class «Per il coraggio e il valore dimostrati nel salvataggio dei prigionieri di guerra sovietici e per averli aiutati durante la Seconda Guerra Mondiale». Cfr. Анатолий Макарович Тарасов — русский гарибальдиец, in Удомельская старина. Альманах № 40. Тверская областная библиотека им. А.М.Горького, Tver', 2010. URL consultato in data 09-07-2012., comè 'l Misha Almakaièv, el Nikolaj Armeiev e l'Alexander Aschenco. Quest chì hann combatuu tucc insemma ai fradej Cervi. L'Armeniev a l'è reussì a scappà via, a l'è staa minga ciappaa di fassist e a l'è andà cont la banda "Modena" menter l'Aschenco, ciappaa cont i Cervi, ha tradii e a l'è deventaa confident di nazifassisti; el sò tpradiment a l'è costaa assee a la Resistenza de la zona si come luu el cognosseva ben la red strutturada de la fameja Cervi. Ciappaa, l'Aschenco a l'è staa faa s'ciopaa da i GAP el 15 de noember del 1944 in piazzal Fiume a Regg. Intra alter omen che gh'hann avuu on strett raport cont i CerviDa chì el nomm de "banda", comè a la "Banda Corbari", che a l'era, in ona quaj manera simil. Fra l'alter, caratteristega de la "Banda Cervi" a l'è l'alt numer de decorazion al valor militar anca perchè la gh'aveva on bass numer de personn, propri comè per la "Banda Corbari". a gh'eren el John David Bastiranse, paracadutista sudafrican (nassuu indel 1923 e ciappaa cont i Cervi, se gh'hann avuu minga notizzi de luu despoeu), el John Peter De Freitas (nassuu indel 1921, paracadutista sudafricano anca luu, scappaa dal camp de concentrament de Gromel a Bergom, a l'è sparii per on quaj agn despoeu el sò arest cont i Cervi. Tornaa despoeu la guerra e a l'è andà a dì a la fameja Cervi che, in ona quaj manera, a l'è reussii a tornaa indel sò paes in on tocch), el Samuel Boone Conley, paracadutista irlandes (nassuu indel 1914, ciappaa cont i Cervi, s'hinn perduu i tracc).
Intra i omen ch'a hinn staa arestaa cont el stess capiatur di Cervi a gh'è anca el Luis Landi, nassuu a Cadàlbosch visin a Regg, ch'a l'era staa gemò condanaa per motiv politigh e che soraviverà ai tortur di nazifassist in de la Villa Cucchi, e 'l don Pasquin Borghi, medaja d'òr de la Resistensa, che a l'è staa intra i primm, o anca sì el primm, ha laurà cont i fradej per fà su la "Banda Cervi" loggiand la banda indela canonica de la sò parocchia de Tapignola, sora l'alt Penin reggian.Guerrino Franzini, Storia della Resistenza reggiana, a cura Anpi Reggio Emilia, III ed.,1982, pag.50-51 Cont i Cervi a l'è staa fusilaa on alter omen de la banda, el Quarto Camurri, nassuu a Guastala; luu a l'è restaa a combatt coraggiosament fin a la fin cont i Cervi e ha spartii cont lor la stessa tragega sort.
Amis e sostantador de la Banda Cervi Amis di Cervi a hinn staa i member de la fameja Sarzi, originari di part de Mantoa: la Lucia, nassuda indel 1920, l'Otello, nassuu indel 1922, e la Gigliola, del 1931. Hann lavoraa strettiament cont i Cervi durant la Resistensa. La soeu stòria a l'è quella d'ona fameja de gent de teater cont la proprii compagnia, ma, si come a gh'aveven di ideaj contra al fassismo, a hinn staa prima censoraa e poeu la soeu compagnia a l'è staa derotta da part del regim. A hinn staa, donca, attur ambulant e l'Otello, che a l'era antifassista, scondeva minga i sò idee e i diseva a tucc in di varji localitaa visitaa da la compagnia. A la fin di agn trenta, la fameja la gh'ha de scappà via in Sguizzera, indue gh'ha scominciaa on'attivitaa clandestina cont i fouersortii republican. L'Otello e la Lucia a vegnen aresta indel 1940 per on minga caut scambi de epistol e, anca se a hinn staa faa andà via, a hinn staa segnaa comè soversiv.