Lithops l'è 'n zèner de piànte suculènte che fà part de la famìa botànica de le Aizoaceae uriginàre de l'Africa australa. I è cultiàde dei apasiunàcc de piànte gràse e i è cunusìcc col nòm popolàr de "balòcc vif".
En natüra de spès la piànta la rèsta quàze töta sóta la sàbia e ànsa sö apéna la fàcia orizontàl de le dò fòie carnùze opòste e tacàde ensèma che costetöés la part epìfita de la piànta. Le dò fòie i è dividìde de 'na sfrizidüra de 'ndóche se fùrma e se svelöpa el fiùr. Ògna còpia de fòie le fùrma el còrp de la piànta che endèl sò ensèma la g'ha fùrma cilìndrica o cònica condena süpefìce piàna. De la sfrizidüra 'ntra le dò fòie, endel perìot vegetatìf, nas apò e le dò fòie nöe e quan che le se derf del töt le dò ècie le se sèca. De spès sö la part piàna gh'è come dele "finèstre" cioè dele zòne trasparènte o traslücide sènsa clorofìla, de 'ndóche pàsa la lùce destinàda a le parcc piö intèrne e sotràde de la piànta.
La fiuridüra l'è 'n autùno. I fiùr i se derf el dopodisnàt o 'nvers séra e i g'ha fùrma che se 'nsomèa a le margherìte, piö grancc del còrp de la piantìna, de culùr biànch o zalt e apéna apéna prufumàcc. ògna piàntìna la fà sö en fiùr sul.
Spéci Le spéci acetàde, segónt el sit del giardì botànich del Missouri, per el zèner Lithops i è 32 en PlantList consültàt endèl més de utùer del 2014: Lithops aucampiae L. Bolus Lithops bromfieldii L. Bolus Lithops coleorum S.A. Hammer & Uijs Lithops comptonii L. Bolus Lithops dinteri Schwantes Lithops divergens L. Bolus Lithops dorotheae Nel Lithops francisci N.E. Br. Lithops fulviceps N.E.Br. Lithops gracilidelineata Dinter Lithops hallii de Boer Lithops helmutii L. Bolus Lithops herrei L. Bolus Lithops julii N.E. Br. Lithops karasmontana N.E.Br. Lithops karasmontana var. aiasensis (de Boer) D.T. Cole Lithops lesliei (N.E. Br.) N.E. Br. Lithops localis Schwantes Lithops marmorata N.E.Br. Lithops meyeri L. Bolus Lithops olivacea L. Bolus Lithops optica N. E. Br. Forma Optica Lithops otzeniana Nel Lithops pseudotruncatella N.E.Br. Lithops ruschiorum N.E.Br. Lithops salicola L. Bolus Lithops steineckeana Tischer Lithops vallis-mariae N.E.Br. Lithops verruculosa Nel Lithops villetii L. Bolus Lithops viridis C.A. Lückh. Lithops werneri Schwantes & H. Jacobsen
Galeria de fóti
Colegamèncc estèrni Blog sobre el cultivo de Lithops manolithops.es : Sitio web dedicado al mundo de los Lithops
Riferimèncc
Categoria:Aizoaceae