Le se definess i Quater motor per l'Europa (in italiàn Quattro motori dell'Europa, in tudesc Vier Motoren für Europa, in françés Quatre moteurs pour l'Europe, in spagnœl Cuatro Motores para Europa, in catalàn Quatre Motors per a Europa, in inglés Four Motors for Europe) i quater rejon considerade economicament qelle qe le tira per intrega l'Union Europea: el Baden-Württemberg, la Catalogna, la Lombardia e el Roden-Alp.
El 9 de setember 1988 i presidents dei quater rejon i g'ha firmad a Stocarda un acordi de cooperazion; i vertix istituzionai dei quater ents i tegn con cadenza quasi anual un inconter de coordinament per dei iniziative cumun.
A volte i se met, tra i "quater motor per l'Europa", la Provenza in lœg del Roden-Alp, o anc l'intrega Gran Bretagna (a volte domà l'Inghilterra); i gh'è minga però inconter periodic fra i esponents de qei ents territoriai.
La "Conferenza Social dei Rejon dei Quater Motor per l'Europa", çelebrada a Milàn de dent del 30 de Maj e el 1 de Jugn 2007 la g'à puntad a favorir i scambi e i conoscenze fra i organizzazion dei "quater motor" con l'Ungheria, la Romania e i republighe de la ex-Jugoslavia al fín de far promozion a projets de grup e vegner a contat coi finanziaments de la UE. A la Conferenza Social i aderess come member asociads el Galles (Regn Unid), i Fiandre (Belj) e el Voivodat de la Piçina Polonia (Polonia)Conferenza Social dei Rejon dei Quater Motor per l'Europa - Organizzazion .
Le rejon
Territori StatSuperfix (km²)Popolazion Localizazion Baden-Württemberg35.75210.718.327 Catalogna32.1067.512.381 Lombardía23.86310.020.210 Roden-Alp43.6986.160.000
Note
Legam ind la red Spazi uficial Storia brev Diàlog social Inconter de Stoccarda 2007
Categoria:Baden-Württemberg Categoria:Catalogna Categoria:Lombardia Categoria:Rodano-Alpi