Cerere (simbul: ) l'è 'n pianéta nàno che l'òrbita endèla Fàsa Principàla de asteròidi colocàda 'ntra le òrbite de Marte e de Giove. L'è stat scuprìt del Gèpe Piazzi endèl més de zenér del 1801 a l'oservatóre astronòmich de Palermo. El g'ha 'n diàmetro de 950 km e la sò màsa la corespónt a quàze 'na tèrsa part de töta la màsa dei ogècc de la Fàsa Principàla.
Le oservasiù efetüàde 'ndei öltem agn, le piö aprufindìde 'ntra le quàle i è chèle fàde de la sonda Dawn le g'ha stabilìt che 'l g'ha fùrma sférica. Se pènsa che la sò superfìce la sàpe furmàda de 'n mes•ciolòt de gias de àiva e divèrsi óter minerài come carbunàcc e argìle idràde.
El fà 'n gir entùren al Sul ogna 4,6 agn e la sò òrbita l'è inclinàda de 10,6° en confrónt al pià de l'eclìtica conden ecentricità de 0,08 (mìa tat diferènta de chèla de Marte che l'è de 0,09).
Püblicasiù scentìfiche
Rist. in Osservatorio astronomico di Palermo "G. S. Vaiana", Elementi astronomici per l'anno 2002, Palermo, Osservatorio astronomico di Palermo "G. S. Vaiana", 2002, pp. 15–39
Riferimèncc
Categoria:Pianeti nani del Sistema Solar Categoria:Astronomia