El vanadio l'è 'n elemènt chìmich enserìt endèla tàola periòdica dei elemèncc col sìmbol V. El g'ha nömer atòmich 23, che völ dì che 'l nùcleo de 'n àtom de vanadio el g'ha vintitré prutù.
L'è 'n elemènt rar, dür e laoràbil, che se tróa sóta fùrma de compòst en sèrte minerài. Se 'l dòpra suradetöt en metalürgìa, per la prudusiù de léghe metàliche. El g'ha 'na bùna rezistènsa a la curuziù de part dei àlcali, de l'àcit solfòrich e de l'àcit clorìdrich. A contàt co l'ària el se òsida a la svèlta a temperadüre de sùra dei 933 K (660 °C). Del pónt de vìsta chìmich el g'ha 'n comportamènt a mèza stràda 'ntra 'l metàl e 'l mìa-metàl. En natüra se 'l tróa sóta fùrma de 'n izòtopo apéna: el 51V, che l'è l'ünech stàbil.
Categoria:Element chimeghCategoria:Metai