Pont San March (nòm uficiàl en italià: Ponte San Marco) l'è 'na frasiù del cümü de Calsinàt, en pruvìncia de Brèsa. El paés l'è abitàt de presapóch 2200 abitàncc e 'l se tróa a 'n pér de chilòmetri a nord del sò cèntro comünàl.
Söl sò teretóre endel 1990 gh'è stat scuprìt 'n insediamènt de l'età del Bróns colocàt sönden dòs arènt a la spónda del fiöm Cés. Se tràta de 'n cèntro abitàt fondàt a l'età del bróns recènte e düràt enfìna a la prìma età del fèr. El prezènta 'n piànta regolàra orientàda NNW-SSE. Dré a chèsto as gh'ìa alineàt 'na bràca de cazète a fùrma retangolar. De sóta de chèsto leèl par éseghen en óter de l'età del bróns média e piö sóta amò s'è troàt dei rèscc del paloelìtich e neolìtichRaffaella Poggiani Keller, "Il Villaggio Preistorico e le fornaci di Ponte San Marco", Calsinàt, IKONOS editùr, 1994.
Del pont de vìsta de l'aministrasiù religiùza Pont San March el fà paròchia de per sò cönt, part de la Diòcezi de Brèsa. L'è 'ntitulàda al Sàcro Cör de Gezù e l'è stàda istitüìda ai 29 de dezèmber del 1941.
Riferimèncc
Categoria:Frazzion di comun de la Provincia de Bressa