Barbarìga, (Italià: Barbariga) l'è 'n cümü de de la Pruvìncia de Brèsa. El se tróa endèla Bàsa Bresàna Ucidentàl a 21 km de la cità de Brèsa en diresiù Sudòvest. El cunfìna coi cümü de Corsà, Dèl, Oflàga, Pompià, Urs Nöf e San Pàol.
El paés l'è nasìt entùren a 'n castèl de campàgna fondàt tra 'l sècol XI e 'l sècol XII. De chèsto castèl rèsta apéna póche ruìne, endèl cèntro del paés. El cülto de San Vit, che l'è 'l patròno del paés, el fa pensà a 'na zòna 'nfestàda dei bis perchè San Vit l'ìa 'nvocàt dei Longobàrcc cùtra i perìcoi e i dagn dei bis vilinùs.
Barbarìga, isé come Longhéna, l'è cunusìt en töta la pruvìncia de Brèsa per vìa dei sò cazonsèi, al pónt che 'l cümü, endèl 2004, el g'ha istitüìt el màrchio Denuminasiù cümünal de urìgin per tutelài e valurizài.
Del cümü de Barbarìga, fa part apò a la frasiù de Fruntignà, che la cönta piö o méno 400 abitàncc.
Evulusiù demogràfica
Riferimèncc
Categoria:Bassa bressana