La spada de Pernik l'è una spada medievala a dobia lama d'açal, retrovada ol 1 de jener del 1921, ind la forteza de Krakra, aprœv a Pernik, in Bulgaria. L'è conservada ind el Musee Nazional de Arqeolojia de la Bulgaria a Sofia.
Descrizion La spada l'è longa 96 cm e la largeza massima l'è de 4,5 cm. La g'ha un'iscrizion intarsiada d'arjent in su la lama, qe la dix: +IHININIhVILPIDHINIhVILPN+.
Ipotesi sœ l'iscrizion Ind el secol XII l'era propes cumun far dei iscrizion su la lama dei spade. De spess i è dei espression incomprensibel, qe i va dal quase ciar NNOMNEDMN a qelle plu distorte 00NINOMINED, OIEDOMINI, INNIOINNEDINI. G'è una tradizion academega qe la circa de interpretar-le come dei abreviazion o contrazion, per esempe INPMPNC: I(n) n(omine) p(atris) M(ater) p(atris) n(ostri) C(hristi).Drboglav, D. (1984): Zagadki latinskih klejm na mečah IX-XIV vekov (Klassifikazija, datirovka i čtenie nadpisej). Moskva.Štereva, I. (1975): Kam vaprosa za mečovete v srednovekovna Balgarija. V: Archeologia, kn. 2, 55-60.
Ol Mihailov l'ha proponid de lejer l'iscrizion de la spada de Pernik come: IHESUS. IN IHESUS NOMINE. IHESUS VIRGO. LAUS PATRIS IHESUS DOMINI HRISTUS. IN IHESUS VIRGO. LAUS PATRIS NOSTRIS.Mihailov, St. (1985): Nadpisăt na latinski ezik vărhu meča ot Perniškata krepost. V: Archeologia, kn. 3, 46 sl.
Inscambe ol Dentschewa l'ha ipotizad qe l'iscrizion la fœss in lombard antig: IH INI NI hVIL PIDH, INI hVIL PN, qe la vœl dir: "Mé speite miga l'eternitaa, mé sont l'eternitaa",Dentschewa, Langobardische (?)…, p. 1. con INI qe al saress un raforzativ qe l'è miga possibel render ben ind la traduzion moderna.blog ilmedievalista
Riferiments
Bibliografia Friedrich E. GRÜNZWEIG: Ein Schwert mit Inschrift aus Pernik (Bulgarien), Amsterdamer Beiträge zur älteren Germanistik 61 (2006). Dentschewa, Emilia: "Langobardische (?) Inschrift auf einem Schwert aus dem 8. Jahrhundert in bulgarischem Boden ". In: Beiträge zur Geschichte der deutschen Sprache und Literatur, Band 128 (2006) Heft 1, S. 1-11. Dentschewa, Emilia: "+IHININIhVILPIDHINIhVILPN+ oder die Botschaft eines Schwertes aus der Zeit des Königreichs der Langobarden (?)" In: Archaeologia Bulgarica IX (2005) Heft 2, S. 99-105.
Ligam de for Version arqiviada Version arqiviada
categoria:Spadecategoria:storia bulghera