El Roberto Giuseppe Guido Cociancich (Milan, 26 giugn 1961) l'è 'n politegh, avocatt ed educator italian, Senator dal 2013 al 2018 per el Partii Democrategh in la legislatura quella de XVII e president de la Conferenza Internazionala Cattolega del Scautism dal 2011.
Biografia Fioeu de 'n esul istrian el nass e cress a Milan e in del 1980 el se diploma al Licee Classigh Manzon. Quatter agn dopo l'è laureaa in giurisprudenza, cont ona tesi in sul diritt internazional privaa. El partecipa a dì studi de avocatt e 'l fonda el sò in del 2004 e l'è president del studi CREA Avvocati Associati dal 2014.
A l'è da semper impegnaa in del volontiariaa e in del scautism: L'ha faa nò el servizzi militar e l'ha scernuu de fà quell civil in d'ona comunità per disabij. L'è dal 2011 President de la Conferenza Internazionala Cattolega del Scautism.
Sposaa, el gh'ha trii fioeui.
Carrera politega L'ha sostegnuu el Matteo Renzi ai elezion primari de Italia Bene Comune del 2012 e in di elezion del 2013 a l'è elegiuu Senator in Lombardia per el Partii Democrategh. El deventa member de la Commission Ester e capogrupp del PD a la Commission Affar Europee. In del 2014 'l entra in la Commission Affar Costituzionai e in la Commission Contenzios.
A l'è staa vun di sostenitor pussee important de la reforma costituzionala Renzi-Boschi: L'ha faa l'inscì ciamaa "cangor" per tajà via la pupart di emendament e l'è staa coordinator de la campagna per el Sì a nivell territorial. L'ha sostegnuu in del 2017 la ratifica de la Carta Europea di Lengov Regionai e Minoritari senza riferìss a l'elench de la legg 482/99.
Per i elezion politegh italian del 2018 a l'è candidaa in del collegi plurinominal Vares, Comm, Lecch e Sondri e l'è mìnga elegiuu.
Riferiment Scheda di attività al Senato La mossa Cociancich, il capo scout di Renzi affonda l’opposizione OpenPolis Senatori PD Elezioni politiche 2018: i candidati del Pd in provincia di Lecco Una nuova sfida mi attende!
Oeuver
AA.VV., Guide to European Company Laws, Londra, Sweet and Maxwell, 2008, ISBN 978 04-2193-2708 AA. VV., Project Finance, Londra, Thomson Reuters, 2012
Categoria:Politegh italian Categoria:Nassud in del 1961