L'Aurea Republega Ambrosiana l'è staa on Stat nassuu in del territori del Ducaa de Milan dopo de la mort del Filipp Maria Viscont faa di giurista de l'Università de Pavia, cont on governo de 24 esponent de la nobiltà milanesa, ciamaa "capitani e defensor de la libertà de l'illustra e eccelsa città de Milan".
Per difendes di attacch de la Republega de Venezia han domandaa jutt al scior de Cremona Francesch Sforza, che in principi i ha jutaa, ma poeu l'ha voruu el trono de Milan. La Republega la se rend al Sforza dopo on dur assedi quand che el Gaspar Vimercaa, condottiee del Sforza e defensor de la libertà, el guida ona rivolta di sgent famaa che la mena el governo republegan a consegnàgh i poder al Sforza.
Durant de la Republega la gh'è stada la prima lotteria de la storia, organizzada del bancher Cristofen Taverna.
Riferiment Enciclopedia Treccani
Vos corelaa Republega de Sant Abbondi
Categoria:Ducad de Milan Categoria:Stat nassud in del 1447 Categoria:Stat finid in del 1450