El Carl III (nassud Carl Felip Artur Giorgg in ingles Charles Philip Arthur George; Londra, 14 de november 1948) l'è el Re del Regn Unid e de tucc i Regn del Commonwealth, oltra che capo de la Gesa Anglicana, del 8 de setember 2022, dopo la mort de la mama.
A l'è el fioeul de la Lisabeta II e del Prenzip Felip, e l'è stad maridad prima con la Diana Spencer, con la che 'l gh'ha havud du fioeui, el Ghielm e l'Enrich, e poeu con la Camilla Shand.
Persona pussee innanz cont i agn a andà in sul trono britannegh, l'è stad anca l'ered per pussee temp. L'ha scrivud o co-scrivud pussee de 20 liber prima de deventà Re, ma l'è regordad anca per havé sostegnud di forme de medesina alternativa compagne de l'omeopatia, roba che l'ha fad un poo de polemica.
Riferiment Treccani
Alter proget
Vos corelade Corona de Carl, Prenzip del Galles
Categoria:Cà de Windsor Categoria:Nassud in del 1948 Categoria:Re ingles Categoria:Nobil britannegh