La Red di tram de Karlsruhe a l'è on sistema de straport publich de la città de Karlsruhe, fortement integraa in la ferrovia urbana de la città, in del famos modell Karlsruhe.
Storia Cont el cress dovuu a la rivoluzion industriala la città de Karlsruhe la gh'ha avuu besogn de on servizzi de straport intern, e l'è staa scernuu on tram a cavaj, che poeu in d'on poo de lign el deventa a vapor.
In del 1894 AEG la toeu el controll de tucc i lign, e in del 1900 tucc i lign a hinn elettrificaa, ma giamò de on quaj ann de doperaven di tram a batteria.
Dopo de la segonda guerra mondial el sistema a l'è staa modernizzaa fiss, e grazia a la volta presenza de binari, dovuda soratutt ai industri, el tram a l'è deventaa semper pussee integraa in la Stadtbahn.
Dal 2010 a l'è in costruzion on tunnel in del center città per garantì ona frequenza pussee volta e per lassà la strada libera.
Integrazion La Tranvia a l'è integrada in l'inscì ciamaa Modell Karlsruhe, ossia on tram-treno indova i lign de treno poeu entren in città in sui binari del tram.
Lign Al 2010, el tram a Karlsruhe el gh'ha 71,5 km, e gh'è sett lign: Ses a operen normalment e vuna domà in del fin settemana.
Tucc i lign urban a hinn cadenzaa a 10 menut, la linia del weekend e i lign extraurban a circa 20 minut.
I lign a hinn: 1: Durlach – Auer Straße – Tullastraße – Durlacher Tor – Marktplatz – Europaplatz – Schillerstraße – Weinbrennerplatz – Europhalle – Oberreut Badeniaplatz 2: Wolfartsweier – Aue – Auer Straße – Tullastraße – Durlacher Tor – Rüppurer Tor – Hauptbahnhof – ZKM - Karlstraße - Europaplatz - Yorckstraße - Städtisches Klinikum - Siemensallee 3: Wolfartsweier – Aue – Auer Straße – Tullastraße – Durlacher Tor – Rüppurer Tor – Hauptbahnhof – ZKM - Karlstraße - Europaplatz - Yorckstraße - Städtisches Klinikum - Siemensallee 4: Europaviertel – Waldstadt – Hirtenweg/Technologiepark – Hauptfriedhof – Durlacher Tor – Marktplatz – Europaplatz – Karlstraße – Hauptbahnhof - Tivoli 5: Rheinhafen - Entenfang - Kühler Krug - Weinbrennerplatz - Mathystraße – Europaplatz – Marktplatz – Mendelssohnplatz - Konzerthaus – Mathystraße – Weinbrennerplatz – Kühler Krug – Entenfang – Rheinhafen 5E: Rintheim - Tullastraße - Schloss Gottesaue/Hochschule für Musik - Ostendstraße - Rüppurer Tor - Kronenplatz/Universität - Durlacher Tor - Hauptfriedhof - Rintheim 6: Hirtenweg/Technologiepark - Tullastraße - Schloss Gottesaue/Hochschule für Musik - Ostendstraße – Konzerthaus – Karlstor – Europaplatz – Entenfang – Daxlanden – Rappenwört 8: Wolfartsweier – Aue – Durlach (tram del weekend)
Material rotabil
El material rotabil a l'è compartii cont la Stadtbahn de Karlsruhe, e per esempi a l'è: Tram GT6-80C Tram GT8-70D/N Tram GT8-100C/2S Tram GT8-100D/2S-M
A hinn per la pupart derivaa de la Stadtbahnwagen B, e quej de pussee recenta progettazion a hinn i tram de la familia Bombardier Flexity, Link e Swift.
Vos correlaa S-Bahn de Karlsruhe
Categoria:Straport a Karlsruhe