El dì 21 de dicember del 2017 gh'è staa di elezion per el Parlament de Catalunya, voruu del president spagnoeu Mariano Rajoy in l'applicà l'articol 155 de la Costituzion de la Spagna dòpo de la deciarazion di independenza. El sò resultaa l'ha menaa a la XII legislatura catalana.
Contest
La Catalogna l'ha faa on referendum per la soa independenza el 1 de ottober 2017, e i event ch'hinn vegnuu dopo han menaa la Spagna a doperà l'artìcol 155 de la soa Costituzion che l'ha menaa al desligament del Parlament. In del frattemp la magistratura spagnoeula l'ha indagaa e mandaa in preson di volt offizial del governo catalan. El Carles Puigdemont e quater sò minister a hinn 'naa a Bruxelles, indova la magistratura spagnoeula ha provaa a estradài per poeu retirà el mandaa.
Candidatur Junts per Catalunya (Partii Democratich Europee Catalan): Partii independentista ligaa al President catalan Carles Puigdemont, a Bruxelles ricercaa de la Spagna. Ciudadanos: Partii unionista, el candida la Inés Arrimadas García Esquerra Republicana de Catalunya: Partii independentista de sinistra, el candida l'Oriol Junqueras ma el supporta la legittimità del Puigdemont 'me President. ERC l'ha presentaa anca la lista Diàleg Republicà, fàda di member de la gioventura del partii, in cas de illegalizzazion del Partii, ma poeu l'han retirada Partit dels Socialistes de Catalunya: Partii federalista, el candida Miquel Iceta Catalunya en Comú-Podem: Coalizion per el diritt a decid, la candida Xavier Domènech Partido Popular: Partii unionista, el candida Xavier García Albiol Candidatura d'Unitat Popular: Partii independentista de estrema sinistra Partit Animalista Contra el Maltractament Animal: Partii animalista Recortes Cero - Grupo Verde : Coalizion ambientalista Per Un Món Més Just: Partii de sinistra
Resultaa
I elezion han vist 'na maggioranza assoluta del blocch independentista ma cont Ciudadanos primm partii.
ListVot%differenza %Deputaadifferenza dep.Zittadin25,37 +7,4737 +12Insemma per la Catalogna21,65n.a.34n.a.Sinistra Republicana de Catalogna21,39n.a.32n.a.Partii di Socialista de Catalogna13,88 +1,1617 +1Catalogna in Comun - Podemm7,45n.a.8n.a.Candidatura de Unità Popolar4,45 -3,764 -6Partii Popolar4,24 -4,253 -8Altri1,57 -0=Total100135Sched bianch0,44Sched null0,37Total votant81,94Gent cont diritt al vot5 328 013
Reazion El partii primm rivaa Ciudadanos l'ha reclamaa la vittoria, ma i partii independentista, soratutt quell del Puigdemont, segond rivaa, han reclamaa lor la vittoria de la Republega e la volontà de dervì on dialegh cont el governo spagnoeu per la liberazion di consiliee detegnuu e in su l'independenza.
El PP, che l'ha ciappaa domà 3 deputaa, l'ha parlaa de on dì gramm sia per lor sia per el futur de la Catalogna. El leader de Podemos local, Domènech, l'ha nonziaa de stà a l'opposizion e che i elezion, anca se per lu de origin illegittima, han valor sacher.
Rajoy l'ha refudaa el dialegh e l'ha dii che per lu la vincitora a l'è l'Arrimadas e che 'l voeur no confrontàss cont el Puigdemont.
Parlament elegiuu El Parlament elegiuu a l'è staa de matris independentista: De facc i partii independentista gh'han avuu la maggioranza di scagn. El President del Parlament elegiuu , Roger Torrent, a l'è del partii independentista ERC. Part di deputaa independentista han poduu nò votà direttament: Per i trii a la preson a l'è staa possibil el vot delegaa, i ex consiliee, inclus el president destituii Carles Puigdemont, han poduu votà no e per permètt l'elezion independentista de la Presidenza a l'è staa necessari che 'l partii Catalunya en Comú el se astegniss.
Riferiment Rajoy destituye a Puigdemont y convoca elecciones en Cataluña el 21 de diciembre El Parlament declara la República i Rajoy respon amb el 155 i eleccions Els independentistes comencen la campanya sense subscriure un document programàtic comú Puigdemont i els consellers no abandonaran Bèlgica tot i haver-se anul·lat l'euroordre ERC retira la candidatura de Diàleg Republicà de la cursa electoral Eleccions al Parlament de Catalunya 2017 Domènech (Cat en Comú): "L'origen de les eleccions era il·legítim, però el resultat és absolutament sagrat" Albiol (PP): "Ha estat un mal dia per al PP, però també per al futur de Catalunya" Carles Puigdemont (JxCat): "Crec que ens hem guanyat el dret de ser escoltats". Arrimadas (Cs): "Hem guanyat les eleccions al Parlament de Catalunya" Rovira (ERC): "Els ciutadans de Catalunya han votat majoritàriament a favor de la república" Iceta (PSC): "No hem aconseguir ser el pal de paller de la majoria alternativa" Rajoy rebutja reunir-se amb Puigdemont: "Amb qui m'hauria de reunir és amb Arrimadas"
2017