El Jordi Pujol i Soley (Barcellona, 9 de giugn 1930) a l'è 'n politegh spagnoeu, President de la Generalità de Catalogna dal 1980 al 2003.
Biografia Medegh farmacolegh, a l'è staa menaa via in del 1960 per vess oppositor del regimm del Francisco Franco, l'è condanaa a sett agn de preson ma l'è relassaa du agn e mezz dopo, cont el confin a Girona. In del 1974 el fonda la Convergència Democràtica de Catalunya e a capo de la coalizion Convergenza e Union l'è elegiuu President de la Catalogna el 24 de april 1980 e l'è reconfermaa in del 1984, 1988, 1992, 1995 e 1999. In del 2003 el se retira e 'l lassa la presidenza del Partii a l'Artur Mas, anca se la presidenza de la Catalogna, cont el Tripartit, la passa al Pasqual Maragall i Mira, supportaa del Partii Socialista, de la Sinistra Republicana e di partii minor de sinistra.
Onorifizens Medalla d'Or de la Generalitat de Catalunya Cavaliee de l'Orden al Merit del Stat del Baden-Württemberg Offizial onorari de l'Orden Nazional del Quebec Cavaliee de Gran Cros de l'Orden al Merit de la Republica Italiana
Vos corelaa Pujolism Artur Mas
Categoria:President de la Generalitat de Catalunya Categoria:Politegh spagnoeui