El Tram GT4 a l'è on tram a quater ass articolaa doperaa principalment in su la red di tram de Stoccarda e faa su di Maschinenfabrik Esslingen.
Storia N'hinn staa faa 380, de che 350 mandaa a Stoccarda e i alter 30 spartii in tra la red di tram de Freiburg im Breisgau (19), quella de Neunkirchen (8) e Reutlingen (3). I tram de Stoccarda eren a scartament metrich e unidirezionai, i alter eren bidirezionai e i tram de Neunkirchen a scartament standard, cont quatter unità motris inveci che 2.
Dal 2012, con 107 tram in servizzi, el pussee grand operator del GT4 a l'è la CTP Iași.
Tecnega El tram a l'è staa faa sù perchè i tram a 6 ass eren tropp longh per la red de Stoccarda, piena di viuzz piscinitt e curv.
El sistema del tram l'è faa cont on carrell che 'l regg mità tram e l'alter l'altra mità, sistema che 'l permètt al tram de curvà sènza ris'c de deralià e cont di distanz assee piscinitt in tra i tram.
Unità venduu Dopo che part de la red di tram a l'è deventada, in del 1985, la Stadtbahn de Stoccarda 'na quaj unità de tropp a l'è stada venduda a di alter città: Iași: 107 tram Augsburg: 40 tram (23 poeu venduu a Iași) Halle: 38 tram (27 poeu venduu a Iași) Nordhausen: 12 tram (3 poeu venduu a Iași)
Ulm, Halberstadt, Brandenburg an der Havel, Arad e Kōchi gh'han avuu on numer imprecisaa de 'sti tram per di esposizion o di us temporanei.
Galleria di foto
Vos corelaa Tram SSB DT 8
GT4