El Toni Iwobi (Gusau, 26 de april 1955) l'è on politegh italian, nassuu nigerian. L'è el primm member negher del Parlament italian, elegiuu con la Liga.
Biografia Nassuu in Nigeria de 'na familia cattolega de maderlengua inglesa in del 1955 el riva a Perugia in del 1977 e pocch dòpo el se trasferiss a Spiran, in la bergamasca, e in del 1993 el se iscriv a la Liga Lombarda e 'l deventa consiliee e assessor con la conquista leghista de la città.
In del 2013 a l'è nominaa responsabil federal de l'immigrazion de la Liga.
In di elezion regionai lombard del 2013 l'è el segond di mìnga elegiuu, l'è però elegiuu Senator in di elezion politegh italian del 2018. In quej del 2022, el se dis disponibel a candidàss ancamò, ma el partii el scerniss de fàll no.
L'è dirigent de ona ditta informatega, materia in che l'è laureaa.
Vita privada Maridaa cont ona bergamasca, el gh'ha du fioeui e l'è nono. L'è laureaa in informatega.
Idej politegh Iwobi a l'è a favor de l'immigrazion regolar e contrari a quella clandestina, che per lu la gh'ha de vèss on riatt e che la mena domà problema anca ai imigraa.
L'è assee federalista, vist che anca la Nigeria, soa terra de nassita, a l'è on Stat federal.
Riferiment Toni Iwobi responsabile immigrazione della Lega di Salvini Con la Lega è stato eletto il primo senatore nero in Italia CHI È TONI IWOBI IL “LEGHISTA-NEGHER” DI PONTIDA
Categoria:Politegh italian Categoria:Imprenditor italian Categoria:Nassud in del 1955