České dráhy, despess breviaa in ČD, a l'è la principal compagnia ferroviaria de la Cechia e che la se occupa del servizzi suburban Esko, di servizzi regionai, nazionai e internazionai.
Storia La compagnia la nass in del 1993 'me successora de part ceca di Československé státní dráhy, i ferrovij del Stat cecoslovacch. Han tolt part ai pussee important organizzazion internazionai e cont i sò 24'000 impiegaa a l'è vuna di aziend pussee important del Stat.
Dal 2008 a l'è men sussidiada del Stat e l'ha elaboraa di noeuv pian de strapòrt per guadagnà pussee. In del 2014 a l'è parpognuu de unì i Ferrovij, che se occupen domà di servizzi, e di Správa železniční dopravní cesty, ossia el gestor de infrastruttura.
Servizzi Longa percorrenza I servizzi de ponta de l'azienda a hinn el SuperCity Pendolino che 'l conliga i città pussee important de la Cechia cont di treni a pendolament e i Railjet, a volta velocità, che conlighen direttament la Cechia a l'Austria, e i InterCity e EuroCity, che conlighen respettivament i città cecch e internazionai. A hinn offert anca di treni espress, de differenta qualità, e i treni rapid, che hinn interregionai. A gh'è anca el servizzi EuroNight e 'l trasport di automobij via treno.
Slovácký expres Slovácký expres a l'è on servizzi special che 'l conliga i pussee important città cecch cont la Slovacchia morava, ossia el tocch de la Cechia de lengua e coltura slovacca.
Regional L'azienda la se occupa anca del servizzi regional in Cechia, cont i treni regionai, disponibij anca velos, e i treni suburban de l'Esko Praha e del servizzi ferroviari suburban de la Moravia-Silesia.
Alter L'azienda la gestiss 'na connession bus ciamada "Airport Express" che la mena de la Stazion Centrala de Praga a l'Aeroport Václav Havel direttament e la funivia Ještěd.
Material rotabil
El material rotabil di České dráhy, dividuu per servizzi, a l'è: Railjet Composizion fondaa in sui EuroSprinter SuperCity Pendolino: Elettrotreno ČD 680 Treni rapid InterPanter RegioPanter Composizion fondaa in su la locomotiva ČD 380 Composizion fondaa in su la locomotiva ČD 854 Composizion fondaa in su la locomotiva ČD 843 Treni regionai RegioPanter CityElefant RegioShark RegioSpider RegioNova
Carrozz I carrozz doperaa de l'azienda a hinn:
Carrozz ČD Bmz (IC, EC) Carrozz ČD ARmpee (IC, EC) Carrozz ČD WRmz (IC, EC) Carrozz ČD Bdpee 231 (IC, EC) Carrozz ČD Ampz (IC, EC) Carrozz ČD Apee (IC, EC) Carrozz ČD Bee 238 (IC, EC, LD) Carrozz ČD Bdmpee 233 (IC, EC, LD) Carrozz ČD Bbdgmee (IC, EC, RAP) Carrozz ČD Abmz (LD) Carrozz ČD Bmz 229 (LD) Carrozz ČD Bpee 237 (LD, RAP) Carrozz ČD Bdtee 276 (LD, RAP) Carrozz ČD ABpee 347 (LD, RAP) Carrozz ČD Bfhpvee "Sysel" (REG)
Riferiment SŽDC provozovatelem dráhy Czech Railways posts first profit ever Government approves splitting off passenger transport from Czech Railways About us Our trains
Vos corelaa ČD Cargo Správa železniční dopravní cesty Straport ferroviari in Cechia LEO Express RegioJet