I automotris FS ALn 668 a hinn 'na familia de automotris faa su in tra el 1956 e 'l 1983 per i Ferrovij del Stat italian e, adattaa, per i ferrovij in concession. A l'è considerada l'automotris standard di FS e gh'è anca la version anàloga a 63 post.
Storia Dopo de la segonda guerra mondiala on mugg de mezz di FS a hinn staa destrugaa e gh'even bisogn de on rimpiazz. El resultaa positiv di automotris FS RALn 60, pensaa per la red a scartament redutt de la Sicilia, han menaa i FS a progettà, in del 1954, on noeuv veicol standard pensaa per vèss facil de guidà e de imprend, affidabil e a trazion diesel dobbia.
Hinn staa subit consideraa on bon veicol di FS, venduu in di variant sia ai ferrovij in concession che a l'ester.
Tecnega Hinn di vettur diesel cont motor de ispirazion automobilistega. La introduss ona noeuva gabina de guida, men ligada a quèlla di auto 'me quella di primm littorinn e pussee pratiga de doperà e de insegnà.
Tipi I tipi de ALn 668 a hinn: Prima generazion Automotris FS ALn 668.1400 Automotris FS ALn 668.2400 Segonda generazion Automotris FS ALn 668.1500 Automotris FS ALn 668.1600 Automotris FS ALn 668.1700 Automotris FS ALn 668.1800 Terza generazion Automotris FS ALn 668.1999 (sperimentala) Automotris FS ALn 668.1000 Automotris FS ALn 668.1200 Automotris FS ALn 668.1900 Automotris FS ALn 668.3000 Automotris FS ALn 668.3100 Automotris FS ALn 668.3300
Livrej I primm ALn 668 eren coloraa in del schema classich di automotris FS, ossia in castan-isabella.
A l'è stada poeu scernuda 'na livrea noeuva, fondada in sul verd lichen e 'l giald colonial.
Dal 1963 a l'è scernuu on noeuv schema fondaa in su 'l bloeu e 'l bianch.
Domà cont l'adozion de la livrea XMPR a l'è cambiaa el schema, e incoeu nissuna ALn 668 la gh'ha la livrea DTR.
Galleria di foto
Vos corelaa Automotris FS ALn 663 Automotris SŽ 813/814
Alter progett
668