El Manifest de Verona a l'è staa el pian programmatich del Partii Fassista Republegan per la Republega Sociala Italiana, el Stat fantocc de la Germania Nazista in l'Italia mìnga governada di Savoja e di Liaa.
Approvaa el 14 de november 1943 durant del Congress de Verona, a l'è consideraa l'att fondant del Stat, anca se la pupart di att a hinn staa no applicaa del sò governo.
Contegnuu El manifest el gh'ha 18 pont e l'éra introdott de 'n preambol in sui legg razziai e in su la lianza cont la Germania e 'l Giappon.
I pont revarden: Ciamà 'n Assemblea Costituenta per toeu via la monarchia e mett la republega Fà su la Costituenta cont i mèmber di sindacaa fassista e i reppresentant di circoscrizion e di provincc Libertà de critica in la Costituent, independenza de la magistratura e obbligh de convalida di arrest dent de ona semana Elezion popolara de la Cambra di Fass e di Corporazion e di reppresentant, nomina del governo de part del Duce Monopartitism cont on partii garant de la revoluzion fassista, sènza obbligh de vèss tesseraa per lavorà Cattolicesim religion de Stat cont tolleranza per i alter cult, finna che contrasten no cont la legg Qualifica di giudee 'me forestee e, in guerra, 'me nemis Tutela di confin de sangh d'Italia, abolizion del capitalism interno e respett di popolazion coloniai indigen, soratutt quej islamich Definizion del lavorà in ogni soa forma 'me fondament de la RSI Recognossiment de la proprietà privada senza sfruttament del lavorà Gestion di servizzi publegh de part del Stat e equiparazion de l'interess privaa a quell publegh Socializzazion de l'industria Espropriazion di terr incolt per dàj ai lavorator Diritt per i lavorator de lavorà in familia Diritt a la cà Iscrizion obbligatoria al sindacaa Salari minim, bottegh a prezzi calmeraa e pena de mort per i speculator del mercaa negher Affermazion del Partii 'me entità de la part del Popol
Vos corelaa Costituzion de la Republega Sociala Italiana
Categoria:Republega Sociala Italiana