La Locomotiva FS E.430, in principi RA 34, a l'era 'na locomotiva elettrega a correnta alternada trifas di ferrovij italian.
Storia La locomotiva, fada su in del 1900 per la Rete Adriatica in Ongaria de la Ganz e di fabbrich meccanich del Regn, a l'è staa vun di primm esempi de motris de treno alimentada a correnta alternada, hinn staa numeraa 34.1 e 34.2.
In del 1905 a hinn crompaa di Ferrovij del Stat italian e cambiaa de numer in 0341-0342 e in del 1914 hinn numeraa definitivament E.430.1 e E.430.2.
Dal 1928 a hinn tolt via de la red de la Valtolina, indova eren doperaa per el traffigh merci e, dòpo del pensionament di Automotris FS E.1 e E.2, per i passegee, e mandaa al Brenner per fà la manovra di treni.
Tecnega Eren faa su de dò semicass vincolaa in manera permanenta cont on soffiett snodaa, per fà su l'ambient de la gabina. Degià che a l'epoca a l'era impossibil la rivettatura a ras, i bullon a hinn visibil. Ògni semicassa la gh'eva on carrell rigid faa de dò sal e i motor de trazion, de 150 cavaj, eren quatter e taccaa direttament. On trolley a stanga el garantiva la captazion.
La visibilità a l'éra garantida de trii veder innanz e quatter per latt, sènza nissun sistema de pulizia.
Esemplar conservaa L'unità E.430.001 a l'è conservàda al Musee de la Scienza e de la Tecnologia "Leonardo da Vinci" de Milan
Bibliografia
Michele Mìngari, Gian Franco Ferro, Franco Dell'Amico, Viaggio in trifase. 75 anni di corrente alternata FS, Milano, ACME, 2009, pp. ISBN 978-88-96759-07-3
430