L'Ospedaa San Giusepp a l'è 'n ospedaa de Milan privaa ma part del Servizzi Sanitari Regional in la zona de Sant Ambroeus.
Stòria A l'è staa fondaa in del 1874 de la Provincia Lombardo-Veneta di Frati (italian: Fatebenefratelli) con la benedizion del Papa Pio IX, e l'è staa piazzaa in di svesinanz de la Basilega de Sant Ambroeus per quèlla reson lì. Al temp a Milan gh'eren àlter du ospedai de l'Orden.La nostra storia - ASST Fatebenefratelli-Sacco
In princìpi el nass 'me loeugh per juttà i malaa cronegh pussee pover ma in del 1866, cont i legg del Bettino Ricasoli che limitaven el poder di religios, caven via el dirizz di proprietà ai Frati e resten domà 'me personal.
In di agn dòpo la struttura la se derva pussee a trattà i malaa de 'n Milan che 'l cress e la derva 'na sezion per i malaa de tisi. L'è slargaa assee finna ai primm agn del '900, tant de deventà 'n ospedaa militar durant de la prima guerra mondial.
In del 1923 a l'è verta dent 'na farmacia publega e 'n repàrt de maternità, che l'è staa faa in risposta ai politegh di fascista de natalità.
In di bombardament di Liaa el resulta destrugaa el 15 de agost 1942 e gh'hinn vorsuu 10 agn per fàll su ancamò, ma in del frattemp a l'è slargaa e cont i sò 300 lecc in del 1952 el deventa l'ospedaa privaa el pussee gross de la città. In del 1974, dopo di restrutturazion, el riva a 400 lecc.
In del 1978, cont i legg che istituissen el Servizzi Sanitari Nazional a l'è recognossuu 'me ospedaa general e in del 1990 el firma 'n accord con l'Università di Studi de Milan per vess 'n pol universitari.Infermieristica - Università degli Studi di Milano
El 1 de agost 2006 a l'è ceduu in gestion di Frati a 'n azienda ciamada Milanocuore, che in del 2009 el ced el controll a la Villamaria, che in del midemm ann el ced a la Multimedica. In del 2016 i Frati ghe venden anca la struttura per 85 milion de Euro, con l'obligh de tegnìll 'me ospedaa almen per 18 agn.I Fatebenefratelli vendono l’ospedale San Giuseppe di Milano
Servizzi El gh'ha 335 lecc, 90 ambulatori, 7 sal operatori e dò sal de part e l'è specializzaa in la medesina de urgenza, soratutt per quell che 'l revarda i ictus, e in su la cerusia de la man. Riferiment
Ligamm de foeura Sitt offizial Ospedale San Giuseppe - Himetop Vos corelaa IRCCS MultiMedica
San Giusepp