El pont de buidura l’è on stat termodinamich, definìi de ‘na cèrta temperadura (ciamada temperadura de buidura) e pression (minga per fòrza ugual de la pression atmosferega), in corrispondenza de la qual el succed el procèss de la buidura.
In particolar, la temperadura de buidura a l’è la temperadura a la qual la tension de vapor de on liquid a l’è l’istèssa de la pression de foeura e ‘l liquid el taca a buì: a l’è ‘na proprietà chimico-fisica de ‘na sostanza pura o ‘na mes'ciada e l’è definida dai valor de temperadura e pression indoe i fasi liquida e vapor i esisten insèma.
Quand che la temperadura la riva al pont de buidura, tachen a formàss spontani di boll de vapor dent in de la massa liquida, che vann su a la svèlta su la superficie indoe se liberen in del’ ambient che ‘l stà de sora, e scurlissen el liquid d’ona manera caratteristica: on liquid in buidura a l’è de fàtt sede de mòti convettiv fòrt comè per via de la spinta di boll ch’ hinn ‘drée a’nda su vèrs la superfice.
Quand ch ’el succed el passagg da liquid a vapor, la sostanza o la mes’ciàda la surbìss su ona cèrta quantità de calor per vinc i forz de attrazion che tegnen insèma i atomi o i molecol, e la temperadura la rèsta costanta fin tant che tutta la massa l’hà nò cambià el sò stat. Quèsta quantità de calor chì la gh’ha on valor caratteristich per ògni sostanza e la rappresenta el calor sconduu de vaporizzazion. E poeu, a seguità a scaldà, la temperadura la se mètt a’ndà su de noeuv.
Come che la temperadura de buidura lè diversa segond a la pression de foeura, a la qual la sostanza a l’è sottopòsta, per esempi l’affermazion che l'acqua la buìss a 100 °C l’è vèra domà in sul livèll del mar (pression pari a circa 1 atmosfera), inveci per esempi in montagna la buidura la succed per ona temperadura pussée bassa (per esempi, a m s.l.m. la buìss a circa 90 °C).
Temperadur de buidura notàbil Temperadur de buidura P= 1 atm Tb (K) Tb (°C)Acid nitrich 359,15 86 Acid sulfòrich Dal Perry's Chemical Engineers' Handbook 7ª ed. (pagine 2.25-2.26) a se leg che la Tb per l'acid solfòrich "ind la soa forma commercial pussée comun " a l’è de 340 °C (temperadura che se ha anca la soa decomposizion), la Tb del'acid solfòrich mono-idraa (o ben H2SO4•H2O) a l’è de 290 °C, inveci la Tb del'acio solfòrich bi-idraa (o ben H2SO4•2H2O) a l’è de 167 °C (in di ultimi du casi a gh’è minga la decomposizion). 605,15 332Acqua marina 376,15 103Acqua distillada 373,15 100Alcol etilich 351,45 78,3Allumini 2519 2246Amoniaca 239,15 -34Azòto 77,15 -196Benzen 353,15 80Clòro 239,15 -34Essenza de trementina 433,15 160Etere solforich 308,15 35Fèrr 3273,15 3000Gallio 2510,15 2237Glicerina 563,15 290Idrògen 20,15 -253Mercurio 630,15 357Metano 111,15 -162Òli de lino 589,15 316Òli di oliva 573,15 300Òr 3081,15 2808Ossigen 90,15 -183Paraffina 573,15 300Ramm28402567Sòdio 1173,15 900Solfur de carbòni 319,65 46,5Tungsteno 5828,15 5555
Riferiment
Vos correlaa Acqua Buidor elettrich Bolla (fisica) Ebullioscòpio Svaporament Alzada del pont de buidura Pont critich (termodinamica) Transizion de fase
Ligamm de foeura Thermopedia, "Boiling point"
Categoria:Fisega Categoria:Chimica