L'atmosfera (o atmosfera standard, simbol atm), anca se l’è nò compresa in del Sistéma internazional de unità de misura, a l’è un'unitaa de misura de la pression molto doperada in del passàa ind la tècnica, ancamò al dì d’incoeu in del parlàa corrent. Per decision a l’è la pression de ona colòna de aria alta l’istèss de l’atmosfera terrèstra al livèll del mar, a 0 °C de temperadura e a 45º de latitudin. De tutt i maner in del determinà la pression atmosferega, minga domà la temperadura, ma anca l’umidità relatva de l’aria medèmma la ciapa part; per quèst in del Sistema internazionale de unità de misura l’atmosfera l’è stada desfesciada e cambiada cont on’altra unità de misura: el pascal (Pa).
Cenn storich
L’Evangelista Torricelli, dòpo ‘vègh costruìi el so primm barométer, l’ha misuràa la pression atmosferega al livèll del mar per mèzz de ‘n’esperiment conossùu e l’hà scopèrt che 1 atm l’è l’istèss de la pression esercida de ‘na colòna de mercurio alta 760 mm o torr. L’istèssa pression, per vèss esercida d’ona colòna de acqua la gh’ha besògn de ‘n’altèzza de circa 10,34 m, che la se po’ trà foeura del rappòrt 101 325 Pa/(9,8 m/s2 • 1000 kg/m3), indoe 1000 kg/m3 l’è la densità de l’acqua.
El stèss valor cont alter unità de misura
Chichinscìn a gh’è scrivùu i traformazion de l’atmosfera vèrs di alter unitàa de misura de la pression: NIST Guide to the SI - Factors for units listed by kind of quantity or field of scienceCalcolatore di unità
1 atm ≡ 760 torr 1 atm = 760 mmHg 1 atm = 29,92126 inHg 1 atm = 10,332275 mH2O 1 atm = 101325 Pa IUPAC Gold Book, "atmosphere" 1 atm = 101,325 kPa 1 atm = 1,01325 barInd l'uso comun, a se accètyta on error de pòch sora al 1%, despèss a s'è sòlit tirà visin 1 atm a 1 bar. 1 atm = 1013,25 mbar 1 atm = 10332,275 kgf/m² 1 atm = 1,0332275 kgf/cm² 1 atm= 14,695949 psi 1 atm= 0,101 325 N/mm²
Riferiment
Vos correlaa Pascal Bar Torr
Categoria:Unità de mesura