La tranvia Milan-Vimercaa a l'è stada 'na linia tranviaria extraurbana che l'ha conligaa del 1880 al 1981 Milan a Vimercaa.
Storia Verta del 1880 e conceduda a la MGV, in del 1881 l'è missa 'na diramazion per Monscia e in del 1890 la stazion capolinia de Vimercaa la deventa anca stazion de la tranvia Monscia-Trezz-Bergom, roba che l'ha permess ai milanes de viaggià via tram finna a la città orobega cont on cambi.
In del 1918 l'aument del traffegh el mena a l'elettrificazion finna a Carsenzagh, in del tocch in comun con la tranvia Milan-Gorgonzoeula-Vaver, con separazzion a la Goeubba. In del 1926 la linia la passa a la STEL che la elettrifega la linia, lavorà fornii in del 1929. In del 1928 l'è elettrifegaa anca el ramm monsciatt.
Grazia a 'sti modifegh l'ha superaa la soppression di tram a vapor di agn '30, foeura che per la diramazion per Monscia che l'è sarada in del 1952. A partì di agn '70 l'obsolescenza l'ha menaa a 'n volzàss de la difficoltà de l'esercizzi e donca el 7 de giugn 1981, in contemporanea con la vertura del ramm Cassina Goeubba-Cologn Nord, e la tratta in tra Cologn e Vimercaa l'è servida di autobus.
Bibliografia Giovanni Cornolò, Fuori porta in tram. Le tranvie extraurbane milanesi, Parma, Ermanno Albertelli Editore, 1980. Giovanni Cornolò, Quell'ultimo tram da Vimercate, in Mondo Ferroviario, n. 101, novembre 1994, pp. 12–13.
Alter progett
Vos corelaa Tram STEL 85-92
Milan-Vimercaa