miniatura|Mappa del 1889
El Lambrett (ciamaa in Italian Lambro Meridionale, Lambro Morto, Lambro Merdario o Lambretto) a l'è ona continuazion de l'Olòna che 'l ciappa dent i aqui del sistema idrich de Milan. El Lambrett el nass de l'union di aqui de l'Olòna con quei in eccess del Navili Grand a Milan, a San Cristòfor. A 'sto pont, el seguta a 'ndà in direzion sud-òvest, arent al Navili Paves (del qual ciappa on poo d'aqua): poeu el traversa Grattasoeuj e 'l quarter de Quint a Rozzan. A Rozzan el ciappa i aqui de l'emissari de la Darsena milanesa, cioè la Ronsgia Tisinell e 'l da origin a l'Olòna inferior, che la finiss in del Pò. Donca el passa tra i provincc de Pavia e Lòd, fina a quand, a Sant'Angel Lodesan, l'entra in del Lamber ver e pròppi e 'l seguta 'l sò destin. Comun traversaa Provincia de Milan: Milan, Rozzan, Òpera, Piev, Locaa Triulz, Carpian. Provincia de Pavia: Sizian, Landrian, Torr Veggia, Marzan, Torr d'Ares, Magherno, Villantee. Provincia de Lòd: Valera, Sant'Angel Lodesan.
Categoria:Milan Categoria:Rial de la Lombardia Categoria:Afluent del Lamber