La locomotiva RhB Ge 4/4 III a l'è 'na locomotiva elettriga a scartament metrich de la Ferrovia Retiga.
Comè da classificazion svizzera di locomotiv el sò nomm el voeur dì che l'è la terza locomotiva de l'azienda a vess a scartament redutt, elettriga e con quatter ass, tucc motor.
Storia In del 1988 el traffigh in su la red, grazia a la vertura de la galleria de la Vereina, l'è cressuu fiss e donca la Retiga l'ha domandaa a la Brown Boveri e a la SLM de desviluppà 'na noeuva locomotiva elettriga.
El progett original a l'éra de desviluppà 'na version a sés ass de la locomotiva RhB Ge 4/4 II, che l'avaria avuu benefici de la noeuva linia, ma l'è staa deciduu poeu de fà 'na locomotiva bona per tutta la red e in del 1993 la entra in servizzi la prima unità.
In tra el 1994 e 'l 1999 n'hinn consegnaa alter dodes. Incoeu se veden a la guida de tucc i treni de la Galleria, degià che hinn i unegh che pòden tirà i treni cont i auto, ma hinn doperaa anca foeura de quèlla linia lì, soratutt in su la ferrovia de l'Albula.
El 13 de agost on treno tiraa de voeuna de 'sti locomotiv chi l'ha deraliaa a Tiefencastel e hinn staa ferii in 12.
Dettaj tecnegh La locomotiva la fonziona a 11 kV AC cont ona frequenza de 16⅔ Hz e 'na velocità massima de 100 km/h e la soa tecnologia l'è compagna de quèlla de la Re 460 di Ferrovij Federai Svizzer.
Di locomotiv compàgn giren in su la ferrovia Montreux-Oberland Bernois e la ferrovia Bière–Apples–Morges.
Lista di locomotiv Numer Nomm Stemma Produzion Status Livrea de reclamm December 2010 August 2016 August 2017 641 Maienfeld 07.12.1993 in servizzi Coop -642 Breil/Brigels 24.01.1994 in servizzi Autoreclamm: RhB Team - -643 Vals 22.02.1994 in servizzi Ems-Chemie644 Savognin 14.04.1994 in servizzi Radio e Televisiun Rumantscha645 Tujetsch 31.05.1994 in servizzi Radio e Televisiun Rumantscha646 Santa Maria Val Müstair 27.06.1994 in servizzi Autoreclamm: BÜGA- -647 Grüsch 20.09.1994 in servizzi Graubündner Kantonalbank648 Susch 05.11.1994 in servizzi LanxessNone649 Lavin 08.12.1994 in servizzi HolcimJORIMANN650 Seewis im Prättigau 07.09.1999 in servizzi Autoreclamm: UNESCO World Heritage 651 Fideris 28.09.1999 in servizzi Autoreclamm: Glacier Express 652 Vaz/ObervazLenzerheide-Valbella 05.11.1999 in servizzi HC Davos
Galleria di foto
Bibliografia Belloncle, Patrick (2005). Das grosse Buch der Rhätischen Bahn: 1889–2001 [The Big Book of the Rhaetian Railway: 1889–2001]. Kerzers: Edition Viafer. ISBN 3952249408.
Riferiment
Alter progett
Ge 4/4 III