La Canna L. l’è l'ùnegh géner de la famiglia di Cannacei, e ‘l gh’hà dent lì adree a 50 speci originari di región tropicàj e sòtt-tropicàj de l’America, a comenzà del sud di Stat Unii fin a l’Argentina.Khoshoo, T.N. & Guha, I. Origin and Evolution of Cultivated Cannas. Vikas Publishing House.
Quajvuna di speci l’è stada introdotta e la s’è naturalizzada in di zòn tropicàj e sòtt-tropicàj di alter continènt.
Intra i speci coltivàa ‘me di piant ornamentàj la pussée conossùda e oramai adattada ai región mediterranei d’Italia, che la riess a vegetà de bon anca al settentrión l’è la Canna indica che l’è ‘na pianta rizomosa con di foeuj grand ovàl-lanceolàd, di fior con di corònn tubolàr molto avèrt, miss insèma a fa su di fiorescenz a la fin d’on fust cilindrich e carnós. Infra i alter speci e varietà, ricòrdom quèj cont i fior grand derivàd di incroseggiadùr infra la Canna indica la Canna nepalensis e la Canna discolor, che gh’hànn di fiori che pòden vèss coloràa de de giald, arancion, ross e i vari sfumadùr de mèzz, di vòlt smaggiàa con di colór in contrast infra de lor, oppùr di fior compagn di orchidei; el fogliàmm, molto decoratìv, l’è de divèrsi colór che vànn del verd ciar o scur al bronz-rossaster. Pòden toccà su i 1,5-3 m de altèzza.
Tassonomia El gener Canna el tira denter divèrsi speci e varietà infra i quàj quèj chì: Tanaka, N. (2001) Taxonomic revision of the family Cannaceae in the New World and Asia.Chaté, E. (1867) Le Canna, son histoire, son culture. Libraire Centrale d'Agriculture et de Jardinage.
Canna amabilis T. Koyama & Nb. Tanaka Canna bangii Kraenzl. Canna coccinea Blanc.Johnson's Gardner's Dictionary (1856) Canna compacta Rosc. Canna discolor (Lindl.) Nb.TanakaRobinson W. (1879) The Subtropical Garden, John Murray, Albermarle St, London, England. Canna discolor var. rubripunctata Nb.Tanaka Canna discolor var. viridifolia Nb.Tanaka Canna flaccida Salisb. Canna glauca L. Canna glauca var. siamensis (Kraenzl) Nb. Tanaka Canna indica L. Canna indica var. flava (Roscoe ex Baker) Nb. Tanaka Canna indica var. maculata (Hook) Nb. Tanaka Canna indica var. sanctae-rosae (Kraenzl.) Nb.Tanaka Canna indica var. warszewiczii (A.Dietr.) Nb.Tanaka Canna iridiflora Ruiz & Pav. Canna jacobiniflora T. Koyama & Nb. Tanaka Canna jaegeriana Urban. Canna liliiflora Warsc. ex Planch. Canna paniculata Ruiz & Pav. Canna patens Rosc. Canna pedunculata Sims Canna plurituberosa T. Koyama & Nb. Tanaka Canna speciosa Rosc. Canna stenantha Nb. Tanaka Canna tuerckheimii Kraenzl.Proposal to conserve the name Canna tuerckheimii
Utilizzazion A vegnen dopràa ‘me di piant ornamentàl, per el colór di sò fior e l’eleganza del fogliàmm, in di parch e in di giardìn a compònn di preous e di bordùr, oppùr vegnen miss in di vas grànd in sui terràzz.
Coltivazion
La gh’hà besògn d’ona esposizión al sol tucc el dì, de on terrén assosènn fèrtil per via di ingrassadura orgànich bondant, moresìn, porós, frèsch. La gh’hà paura de la siccità e del gel, per quèst i rizòma gh’hànn de vèss tòlt via del terrén in autùn; ind la bella stagión i servissen di fornidùr regolàr de ingràss orgànich e mineràl e di dacquàd bondant.
La moltiplicazión la ven fada al princippi de la bèlla stagión, per mèzz de la división di rizòma, miss in precedenza a vegetà apèna sotterràa in di cassón, di lètt cald o in serra, ch’hànn sviluppàa di gètt noeuv, cont el separà i divèrsi tochèj lassandogh 1-2 germèj che poeu i vegnen piantàa.
La ven riprodòtta anca per mèzz de la somènza, e cont i giust cur e furbarij, se pòden ottegnì di piant fiorìd de lì a 6 mes del semineri.
Riferiment
Categoria:Cannaceae