L'Otavian Maria Sforza (30 avril 1458 - 25 masg 1477) l'è stad un nobel e militar milanes, darer fioeul del Franzesch Sforza e de la Bianca Maria Vesconta.
Se cred che 'l so nom el vegna sgiò del sò vesser el fioeul quell de vot e l'era titolad 'me cont de Lugan.
Biografia Restad orfen de pader in del 1466 l'è vegnud su in del mez di beghe de podé in tra i Sforza, organizad e jutad del Robert Sanseverin d'Aragona, e la Bona de Savoja, jutada del Cich Simoneta.
Bon sgeneral, l'heva fad su un'armada minga de invidià, soratut respet a quella del fradell, che l'ha contribuid al mantegniment de Sgenoa e de la Corsega in la rebellion del 1476.
L'è mort l'ann adree, a domà 19 agn, quand che in d'una prœuva de forza durant de la gamina del 1477 l'ha provad a marcià vers la cugnada ma l'ha trovad l'Ada in piena e 'l fium el gh'ha havud la mej in sul sgiovin cont.
Referiment Enciclopedia Treccani
Alter proget
Otavian Categoria:Militar milanes Categoria:Nassud in del 1458 Categoria:Mort in del 1477 Categoria:Nobil lombard