La Gesa de San Nazar (italian: Basilica di San Nazaro in Brolo) a l'è vuna di gese catoleghe del center de Milan, in sul cors de Porta Romana. A l'è anca vuna di gese pussee antighe de la citaa, de sgià che l'è stada trada in pee sgiamò ai temp de Sant Ambroeus cont el nom de basilica apostolorum: se trata de la gesa a cros latina pussee antiga de la storia de l'art ocidental.
Cont el passà di agn e di secoi la gh'ha havud on mugg de cambiament: vun di pussee important a l'è quell che 'l gh'ha tacad denanz el Mausolee di Trivolz, che ancamò adess a l'è la faciada de la gesa.
L'è part de la Comunità Pastorala di Sant Apostoi, insema a la Gesa de Sant Antoni Abaa, la Gesa de San Franzesch de Sales, la Gesa del Paradis, la Basilega de San Calimer e la basilega de Sant'Ufemia.
In la soa cort inn guarnade quater colone che partegniven a la veggia Via Porticata romana.
Riferiment LombardiaBeniCulturali
Alter proget
Nazar Naraz