El Casolét (termin in dialet solander che el segnifega "formai piscinin") a l'è un formai producid in Vall de Sol, in provinscia de Trent. Una soa variant de tipega forma de triangol a l'è producida anca in Vall Camonega, provincia de Bressa.
Notizzie sgenerai A l'è un formai a forma de cilinder producid cont el lacc intregh di pascol locai. El gh'ha una rusca sotila e un poo crespa, inscambi la pasta la gh'ha un color bianch crema, compagn del latin caseolus. El se poeul consumà despoeu de 30 dì de stagionadura. El gh'ha un savor de erbe e arom naturai. El nom el vegn forsi de l'assonanza cont el termin ladin che el segnifega "cà", fat coerent cont el sit de produzzion, che despess a l'è quell de la cà de la familia del pastor.
Casolet de la Vall Camonega
La variant producida in Vall Camonega e fata in de la classega forma de triangol, con toch assee piscinin. El lacc el vegn menad in fina a una temperadura de 30º - 34º donca el se sgionta cagg de buscin e la coagulazzion la ciama circa 30 menut, despoeu la caggiada a l'è "s'ciepada" in tochelin e la temperadura volta a circa 47º. La vegn poeu guarnada a "polsà" per facilità la spartizzion del seron, poeu metuda sota presse per fàgh ciapà la forma che se voeul. La stagionadura la va de 60 dì in fina a un ann. I forme finai gh'hann un pes intorna ai 2 kg ogneduna.
Note
Vos conrelade Formai de Mut
Ligam de foeura
in su agraria.org. in su agraria.org.
Categoria:Formai lombard