miniatura|drita|Le bancarèle an piàsa dal DòmLa fèsta da santa Lüséa (an italià: Festa di Santa Lucia) l'è 'na fèsta che la sa tègn a Crèma, an di dé pröma dal 13 da dicémbre.
Cuma l'è nasìda Gh'è mìa di docümént che i permét da saì cuma l'è nasìda la fèsta, ma pól dàs che la derìa a quanta Crèma l'è dientàda 'na pruìncia da la Repöblica da Venesia; an fàti própe a Venésia, ndà la céźa da San Gerémia sa tróa al còrp da la santa.
I biźantì da Giorg Maniace i la purtàa da Siracüsa a Costantinòpel an dal 1040 e l'è stacc trafügàt da i 'enesià an dal 1204 .
La venerasiù cumè la santa che la pòrta i regài la sa riferés, forse, a la so stória da dóna caritatùźa.
Gh'è 'n gìr 'n ótra stòria che la pàrla da 'na malatéa cuntagiùźa che la ciapàà i occ di bagài: alùra le màme l'è g'a cuminciàt a pregà la santa per cunservà la ésta a i sò fiói. Quand i è guaricc le màme le g'a cuminciàt a ringrasiàla e da ché la sarès nasìda la tradisiù.
Gh'è argü però che al dìs che la fèsta la sìes nasìda an dal 1400 quand an da la campàgna bresàna gh'è 'ignìt 'na carestìa, alùra i cremunìs i g'a facc 'na racòlta da sach da grà e i a purtàt dàanti a le cà di puarècc che i gh'ia mìa da mangià. Quand la źent la sa desedàda e la g'a truàt i sach, i g'a pensàt an d'an miracól e dato che l'éra al trédes da dicémbre, al miràcol da santa Lüsèa.
La fèsta a Crèma miniatura|drita|I masulì da fé che i sa tèca 'ià i dé pröma dal 13 da dicémbreDa sòlet i bagaì i scrif 'na leterìna con sö o regài che i vól. An töcc i paìs i genitùr i tàca vià ai pugiói, a le finéstre o a le pòrte i masulì da fé; i servarès per sfamà al sumarèl che la santa la druarès per 'nda 'n gìr per purtà i regài,
An dal dé dal dùdes da dicémbre an piàsa dal Dóm a Crèma gh'è źo le bancarèle per tó i giucatui e caramèle.
I prüèrbe Nìgol o seré e Santa Lüséa la vé Santa Lüséa la ta cunsèrve la ésta
Riferimencc
Pagine tacàde Santa Lüséa
Santa Lüséa