L'Alfonso Mandelli (Cremona, 1850 - 1927) a l'è stad un politegh e poeta italian.
Biografia Nassud a Cremona, a 17 agn el toeu part ai garibaldit, in l'aventura fornida a Mentana, in del 1878 el toeu part a la fondazzion de la Società Storega Cremonesa. L'è stad anca in tra i ideator e benefator de l'Ospedal di Fiolit de la Cità.
L'ha poeu aderid al fascismo e del 1923 al 1926 l'è stad sindegh de Cremona, darer prima de la nomena di Podestà. L'è mort in povertà in del 1927, dopo che l'ha vist morì la mijer, el fioeul e la fioeula adotiva.
Oeuvera La soa oeuvera principal, scrivuda in grafia classega cremonesa, a l'è "All'ombra del Tourazz", scrivuda per responder al Melchiorre Bellini che 'l sostegniva chè 'l dialet cremones a l'era bon domà per parlà de "porcad", e mostràgh che 'l podeva anca mostrà sentiment.
Riferiment SOCREM Milano L'Ospedale dei Bambini di Cremona
Categoria:Poeta italian Categoria:Autor in lombard Categoria:Politegh italian Categoria:Sindegh de Cremona Categoria:Nassud in del 1850 Categoria:Mort in del 1927