I milanesin a inn di biscot spantegad soratut in Svizzera e anca in Austria, Liechtenstein e in del Sud de la Germania, fad con farina, zucher e buter e, a segonda de la riceta local, scorza de limon o marmellada.
In Isvizzera a inn propi tipegh del period de Denedal.
El nom se pensa che 'l deriva de 'n biscot compagn de quell lì che l'éra spantegad a Milan in tra el 1400 e 'l 1600, che incoeu el gh'è pu, e l'è manzonad per la prima voeulta in d'un ricetari del 1780.
Riceta Ingredient 250 g de farina 125 g de buter 125 g de zucher 1 oeuv intregh 1 bianch de l'oeuv 1 scorza de limon 1 zich de sal Preparazzion Se messeden, a temperadura ambient, buter, zucher, sal e scorza de limon Rivà a 'n impast bon e sgiontà l'oeuv e 'l bianch Sbater ben e infin sgiontà la farina a man fina a rivà a 'n bon impast Fà una balla e metéla a possà in del frigor per almen do ore Sbassà cont el matarell l'impast fina che l'è de circa 1 centimeter Tajà i biscot e metij in de 'na teja, poeu passàgh sora del ross de l'oeuv messedad al zucher Coeus in del forn a 150-180 grad per 12-15 menut
Riferiment RSI.ch
Categoria:Dolz de Natal