miniatura|L'Australia Meridional in Australia. L'Australia MeridionalCognossuda anca 'me "Australia Meridionala" o "Australia del Sud". (South Australia in ingles) a l'è un Stat federad de l'Australia con capitala Adelaide. A l'è el segond stat manch popolos con circa 1.8 milion de persone e el quart per estension in tra i stat e i territori de l'Australia, con 984.377 km².Area of Australia - States and Territories Geoscience Australia. Retrieved 9 January 2022. Pussee del 77 percent de la popolazzion del Stat la viv in de la capitala, Adelaide, o arent. I olter center a inn assee piscinin: Mount Gambier, el segond center pussee grand, el gh'ha una popolazzion de 28.684 persone.
Storia
I aborigen hann abitad l'Australia Meridional per miara de agn, cont un'atività an'mò visibel, de in fina a circa 20.000 agn indree. L'Isola di Cangur inscambi l'era inabitada.R.J. Lampert (1979): Aborigines. In Tyler, M.J., Twidale, C.R. & Ling, J.K. (Eds) Natural History of Kangaroo Island. Royal Society of South Australia Inc. Segond i recerche, i aborigen a inn rivad a la Penisola Eyre 49,000-45,000 agn indree sia de l'est sia de l'ovest.Zuckermann, Ghil'ad (2020), Revivalistics: From the Genesis of Israeli to Language Reclamation in Australia and Beyond, Oxford University Press. /
I prim europee a vedé per la prima voeulta la costa de l'Australia Meridional a inn stad i olandes sora la nav Gulden Zeepaert, cont el capitan François Thijssen, in del 1627. El Thijssen el ciama tut el territori a est del Leeuwin "Nuyts Land", dop de havé havud a bord 'me passeger el Pieter Nuyts, vun di Consijer de l'India. La costa la vegn mapada del Matthew Flinders e del Nicolas Baudin.
El territori del Stat el vegn reclamad in del 1788 'me part de la colonia del Noeuv Galles del Sud, però passaran pussee de quaranta agn prima de una seria proposta de abità la region a sud-ovest del Noeuv Galles del Sud.
Geografia fisega L'Australia Meridional la confina con tucc i olter stat del mainland, insema al Territori del Nord: a ovest cont l'Australia Ocidental, a nord cont el Territori del Nord, a nord-est cont el Queensland, a est cont el Noeuv Galles del Sud, a sud-est cont el Victoria, e a sud cont l'Ocean Indian in su la Granda Zoca Australiana. El territori a l'è in prevalenza succ, soratut de denter, indova che troeuvom i desert de sabia e preja, i lagh salad. La zona de desert la se spantega anca vers sud-ovest, in fina a la pianura de Nullarbor Plain, che l'è in tra el Grand Desert Victoria e l'Ocean Indian. A sud-est a troeuvom inscambi i uneghe aree de mont e bosch del Stat, cont i mont Flanders, che se slonghen per 500 km in direzzion nord-sud in fina a rivà in del pont pussee a sud a circa 200 km de Adelaide.
Note
Alter proget
Categoria:Australia