alt=El Padmasambhāva.|miniatura|304x304px|El Padmasambhāva El Padmasambhāva (sanscret: पद्मसम्भव Padmasambhāva; tibetan: པདྨ་འབྱུང་གནས; ‘lu che l’è nassud fœura de un fior de lot’) l’è stait un majester de vajrā, tantrista, strion, mistegh e santom indian che el s’è menad in sgir per el Tibet ind i segoi qd8–9 per insegnàgh ai sgent locai el buddhesim vajrayāna e i tantra buddhista.Khenchen Palden Sherab Rinpoche, The Eight Manifestations of Guru Padmasambhava, (May 1992), https://turtlehill.org/cleanup/khen/eman.html Doney, Lewis. "Padmasambhava in tibetan Buddhism" in Silk, Jonathan A. et al. Brill's Encyclopedia of Buddhism, pp. 1197-1212. BRILL, Leiden, Boston. I tibetan ancamò al dì de incœu ghe disen Guru Rinpoche, idest ‘el prezzios majester’ o – pussee impropriament – ‘el guru pussee venerabel’. L’è considerad ‘el pader del buddhesim tibetan’.
El Padmasambhāva el ven anca tributad con la fondazzion de l’orden Nyingma – l’orden religios pussee vegg dedenter del panorama buddhista tibetan – e cont el maistrament e conversion al dharma de un quaj demoni e diavel local che eren dree a impestà e fà su de dagn in Tibet in quii dì lì, e che lu el j’ha personalment voltad in de di dharmapāla.
Ind el buddhesim tibetan el Padmasambava l’è considerad propri un buddha in terraSchaik, Sam van. Tibet: A History. Yale University Press 2011, page 34-5, 96-8. e i sò insegnament inn de dò sorte: quii de boca (kama) e quii scondud, o revelad (terma). De facc, la tradizzion buddhista tibetana la porta che i revelazzion misteghe del Padmasambhāva sajen de maneman descoverte de di persone fortunade ciamade tertön (‘lor che hann invegnud un tesor’), o revelador, quand che i condizzion per la revelazzion de la sò saviezza inn pronte per vesser rezzevude.Schaik, Sam van. Tibet: A History. Yale University Press 2011, p. 96.Fremantle, Francesca (2001). Luminous Emptiness: Understanding the tibetan Book of the Dead. Boston, Massachusetts, USA: Shambhala Publications, Inc. p.19 Es dis che el Padmasambhāva el ghe comparissa personalment a quii revelador chì in de di vision.
El Padmasambhāva l’è venerad di buddhista in Tibet, Nepal, Bhutan e ind i stacc de la region de l’Imalaja in India, ma anca in de dei olter pais in tut el mond.
Storia miniatura|284x284px|Un toch piscinin de La testimonianza de Ba A stà a quell che gh’è screit in su La testimonianza de Ba – un manoscricc antigh in sui ativitaa del sant – el Trisong Detsen, al temp el fiœul de l’imperador del Tibet, l’ha invidad in Tibet el filosef e abad buddhista Śāntarakṣita per spantegà el buddhesim ind la sò terra e vutàll a fà su el prim monasteri buddhista tibetan a Samye. Impunemanch, a gh’era ocors dei event minga trop propizzi: un deluvi l’haveva impienid d’aigua un templi buddhista local e una straluscia bestial l’era rivada sgiò propri in sul palazz del rè e trait adoss di bei dagn a la cort tibetana. I nobii locai s’eren donca convensgiud che i dia eren propri sossenn incagnid, e che i s’eren inrabid con la sgent tibetana perchè quist chì haveven trait adree di buddhista, ideje e credenze foreste ind la terra soa de lor.Schaik, Sam van. Tibet: A History. Yale University Press 2011, pp. 34-35. Perzò, el Śāntarakṣita el gh’ha havud de menàss a baita in Nepal, anca se i gh’hann pœu ciamad de tornà indree ancamò in Tibet quand che i sentiment anti-buddhista de la nobiltaa se fudessen calmad sgiò ind una quaj manera. miniatura|284x284px|El Trisong Detsen Quand che l’è rivad in Tibet un’oltra vœulta – e anca per schivà de repeter ancamò l’istessa roba – el Śāntarakṣita el s’era trait adree el Padmasambhāva, un majester de tantra spert fiss che el vegneva de Oḍḍiyāna, una zitaa in quella che al dì de incœu l’è la Vall Swāt, in Pakistan. El mester del Padmasambhāva l’era propri quell de pasentà e maistrà i entitaa e spiret locai per impressionà i nobii tibetan cont i sò podé magegh e ritualistegh strasordenari che l’haveva gadegnad intravers la sò cognossenza di tantra e di misteri dei art antighe.
I font tibetane insubissen coma, a quell pont chì, el Padmasambhāva l’haveva evocad e sfidad i deitaa, spiret e diavoi pagan locai, e depos a che fœusgia el j’haveva menasciad su tucc cont i sò podé propri fœura del comun. Quand che el je maistrè sgiò per ben, el sò amis Śāntarakṣita e el Trisong Detsen inn finalment riessid a indà inanz senza problema con la construzzion del monasteri coma i voleven. Intratanta, el Padmasambhāva el s’è dedegad soratut a la vita de cort e a l’insegnament di sò forme de yoga tantregh e de la dotrena de la sò fed buddhista.Schaik, Sam van. Tibet: A History. Yale University Press 2011, p. 35. miniatura|287x287px|El monasteri de Samye L’imperador, però, l’ha inviad a usmà el priguel e el s’è incorsgiud de coma la presenza del Padmasambhāva potenzialment l’havariss podud tràss adree pussee problema e dagn de quii che l’era sgiamò stait bon de resœulver infinadess. De facc, la vita a cort l’haveva perdud la sò stabilitaa, anca perchè i homen haveven tacad a havégh tema che el Padmasambhāva el ghe instriass su i fomen e i fiœule per sedùj. Per l’imperador a l’era anca pœu impossibel pensà minga al facc che quii dia e demoni lì che infina a un quaj dì indree haveven causad fam, carestie, malagn e problema infinid a la sò sgent adess ghe staven sota a un indianin forest, e che lu el je comandava e menava anca in sgir a piasé, compagn de di s’ciavit senza gnà de volontaa, gnà de forza e gnà de scervell. I podé del Padmasambhāva eren propri inscì bestiai che a l’era ciar ciarent che se el l’havess volsud, l’havariss podud gadegnà el tronn, la corona, el pajes e infinamai el mond intregh apena che l’havess sentud el besœugn de scœudes un quaj petit. L’imperador el gh’ha donca havud de fàss corasg per indà del Padmasambhāva a pedìgh de levà i tolle e lassà la cort.
La testimonianza de Ba la porta anca di cunt in su dei olter miragoi insubid del Padmasambhāva, soratut sozziad cont el maistrament e pasentament de di spiret e demoni, ma anca con di rituai per slongàss la vita e di magie d’aigua.
Agiografia Per el Khenchen Palden Sheraba – un lama e litarad de la scœula Nyingma – a gh’è tradizzionalment nœuv-mila-nœuv-zent-novanta-nœuv biografie del Padmasambhāva.
Nassiment e sgioventura alt=|miniatura|Thangka del Padmasambhāva I agiografie del Padmasambhāva le depensgen coma un putell de vocc agn adree a vegnì su de un fior de lot dessoravia del lagh Dhanakosha, cont un rosc de ḍākinī che ghe ballen lilintorna.Trungpa (2001) pp. 26-27. For debate un its geographical location, see also the article un Oddiyana.
Tamen, a gh’è dei oltre storie in sul sò nassiment, e vuna di pussee comune la porta che l’era nassud del venter de la reina Jalendra, mier del Sakra rè de Oḍḍiyāna, e che l’haveva rezzevud el nomen de Dorje Duddul (‘lu che el met sota di demoni cont un vajrā’), per via de di smagge che el gh’haveva in per tut el corp che, segonda la tradizzion, le identificaven coma un maistrador de diavoi.
In El palazz de ramen, el rè Indrabhuti de Oḍḍiyāna l’è dree a zircà un sgiojell che el permet de realizà i desideri, ma, inscambi, el trœuva el Padmasambhāva, tolt del rè per un’incarnazzion del buddha Amitabha. El rè el l’adota e el Padmasambhāva el ven subet incoronad coma Pema Gyalpo (‘el rè del fior de lot’). Tutamanch, el Padmasambhāva el ghe copa fœura vun di minister del sò bobà adotiv e el ven esiliad del regn; tut zò el ghe da donca la possibilitaa de viver coma un mahasiddha, un grand mistegh, e de imprender e prategà i tantra in sgir per l’India.Morgan (2010) 208.
In Himachal Pradesh, in India, el Padmasambhāva l’ha insegnad di prateghe tantreghe a la prenzipessa Mandarva, la tosa del rè local. El rè, però, el j’ha descovert insema e l’ha pœu provad a brusàj su viv tucc duu per el foton causad de la vergnogna che sò fiœula la gh’haveva trait adoss. Es dis che, quand che el fum l’è sorad via, el Padmasambhāva e la prenzipessa eren ancamò minga nomà viv vivent, ma anca in meditazzion, setad sgiò sora un fior de lot che l’era dree a vegnì de sora de un lagh liliarent. Propri maravejad per el miragol, el rè el ghe dè al Padmasambhāva e el sò regn, e la man de la s’ceta soa de lu in mariozz.Lama Chonam and Sangye Khandro, translators. The Lives and Liberation of Princess Mandarava: The Indian Consort of Padmasambhava. (1998). Wisdom Publications. Apœus a quest, el Padmasambhāva l’è tornad a baita con la sò nœuva fomna, e insema hann convers tut el regn al buddhesim.
Ativitaa in Tibet miniatura|La sossenn famosa statua del Padmasambhāva ind el monasteri de Samye, benedeta de lu medem. A l’era propri inscì istessa istessa a lu che el gh’ha deit: ‘A la par propri mì!’ I agiografie del Padmasambhāva discutissen fœura anca i sò ativitaa in Tibet, a partì de quand l’era stait invidad a cort per vutà i tibetan a trà in pee el monasteri a Samye. El Padmasambhāva el ven depenc coma un espert de tantra adree a maistrà di demoni locai cont el voltàj in de di protetor del dharma. A l’è anca pœu considerad lu che l’ha spantegad el buddhesim Vajrayāna in Tibet e che l’ha introdut i sgent tibetane ai prateghe di tantra.
Grazzia al sò rœul de fondador del monasteri de Samye – el prim monasteri buddhista del Tibet – el Padmasambhāva el ven anca retegnud el fondador de l’orden Nyingma del buddhesim tibetan.Norbu, Thubten Jigme; Turnbull, Colin (1987), Tibet: Its History, Religion and People, Penguin Books, ISBN 0-14-021382-1. Page 162. I ativitaa del Padmasambhāva tœuven denter la pratega de di rituai tantregh per slongàgh la vita al rè, ma ancasì l’inizziazzion del medem rè Trisong Detsen ind i sò rit tantregh.
In sgionta, i varie biografie del Padmasambhāva porten di cunt in su vuna di prenzipai spose tantreghe del Padmasambhāva: la prenzipessa Yeshe Tsogyal (‘l’imperatriz del lagh de la cognossenza’), che l’è deventada vuna di sò student intanta che lu l’era ancamò adree a viver a la cort imperial.'Guru Rinpoche' and 'Yeshe Tsogyal' in: Forbes, Andrew ; Henley, David (2013). The Illustrated tibetan Book of the Dead. Chiang Mai: Cognoscenti Books. B00BCRLONM A l’è reverida coma ‘la mader del buddhesim tibetan’Gyatso, Janet (August 2006). "A Partial Genealogy of the Lifestory of Ye shes mtsho rgyal". The Journal of the International Association of tibetan Studies (2). e l’è considerada una buddha dona,Changchub, Gyalwa; Namkhai Nyingpo (2002). Padmakara Translation Group (ed.). Lady of the Lotus-Born: The Life and Enlightenment of Yeshe Tsogyal. Shambhala Publications, Inc. p. xxxvii. . desgià che la vegnarà lee medema una majestra de tante dissipline ispirituai.
Insema a lee, el Padmasambhāva l’ha scondud in sgir per el Tibet un poo de terma – revelazzion sagrade – intanta che lee la ghe scoltava su i sò prezzios insegnament che, de lì adree, la menarann a gadegnà la buddhitaa ind la vita soa de lee. A gh’è propri una mota de thangka – di picciure a la fœusgia tradizzional – che insubissen el Padmasambhāva cont i sò dò spose lì de banda a lu, sovenz con la Mandarva a la sò drizza e la Yeshe Tsogyal a la manzina.
Un frach de terma de la scœula Nyingma – di scricciure revelade – i vegnen propri dei ativitaa del Padmasambhāva e di sò student. Tamen, a ghe n’è pussee ancamò che i inn gnancamò stait descovert e che inn dree a speccià vergun che el vegna ciamad de l’ispiret del Padmasambhāva per spantegàgh la sò saviezza indepertut, quandonca el mond el saja pront per rezzevela.Khenchen Palden Sherab Rinpoche, Khenpo Tsewang Dongyal. Lion's Gaze: A Commentary un Tsig Sum Nedek. Sky Dancer Press, 1998.
In El palazz de ramen, apœus a la mort del Trisong Detsen, a parariss che el Padmasambhāva l’haiva viasgiad infina al Lanka, indova che l’ha miss sota e convers al dharma di rakśasa, di demoni ciucia-sangh. I sò darere parolle inzighen a la venerazzion del bodhisattva Avalokiteśvara.
Vocc manifestazzion alt=|miniatura|El Guru Senge Dradrog, una manifestazzion inrabienta del Padmasambhāva