Ol Roberto Maroni (Varés, 15 de marz del 1955 - Loza, 22 de november 2022) l'è stad un politegh italian
Lauread in giurisprudenza, el gh'ha lavorad come manager dei afare legai per diverse aziende: l'esercitava apò la profession de avocat.
Member de la Liga Nord, l'è stat ilisgid consilier municipal de Vares in del 1990 e po deputad en del 1992. En del 1998 l'è deventad capogrupo parlamentar de la Liga.
En del governo Berlusconi I el ven nominad Minister de l'Interno e vicepresident del Consiglio. En del 1991, col governo Berlusconi II l'è nominad minister del lavorà e 'l resta al stess encaregh apò col governo Berlusconi III. En del 2008, col governo Berlusconi IV, l'è tornad a vesser nominad Minister de l'Interno.
Dopo i dimission de l'Umbert Boss e dopo una quach mis de triumvirad insema al Roberto Calderoli e a la Manuela Dal Lago a capo de la Liga, ol prim de loeuj del 2012 'l dienta el secretare federal de la Liga Nord.
Ol 26 de fevrer del 2013 ai elezzion regionale de la Lombardéa el vensg con 42,81%, denancc a l'Umberto Ambrosoli del centro-sinistra che 'l se ferma al 38,24%: ol Maroni 'l diventa issé 'l president de la Region.
A fin 2013 ol Matteo Salvini l'è elesgid al so post 'me secretare de la Liga, e 'n di elezzion del 2018 el scerniss de candidàss no ancamò, e 'l centro-destra 'l candida l'Attilio Fontana. Ol so nom l'è 'ndad in sgir anch per i elezzion comunai de Vares del 2021, ma el se candida no per di reson de salut.
El moeur el 22 de november del 2022 a cà a Loza de cancher al cervell.
Referimencc Treccani
Oter progecc
Categoria:Politegh italian Categoria:Nassud a Vares Categoria:President de la Lombardia Categoria:Nassud in del 1955 Categoria:Mort in del 2022