El Giovanni Ticozzi (Pastur, 5 de avost 1897 – Lech, 19 de fevrer 1958) a l'è stad un prevet e partisan italian, president del CLN a Lech.
Biografia Del fevrer 1917 l'ha tolt part a la prima guerra mondial comè soldad di Alpit, prima in sul Montello e poeu in su la Piav, e in del 1918 el fann sotatenent. A la fin de la guerra ghe dann la medaja d'arsgent al valor militar.
A l'è fad prevet in del 1923. L'ha insegnad letere antighe al licee classegh Lissander Manzon de Lech e l'è stad el preside de l'istitut del 1941.
Del principi del 1943 el va dent, in representanza di catolegh, in vun di comitad antifassista de Lech. e dopo el 8 de setember a l'è nomnad president del Comitat de Liberazzion Nazzional de la cità e inscì e deventa l'anema de la resistenza lechesa.
El 30 de otover 1944, per via de la delazzion, l'è arestad de la Guardia nazzional republegana de Lech e mitud prima in la preson de San Donnin a Com e poeu, el 22 de dicember, a Milan, in d'una cella de San Vitor. A marz del 1945 l'è liberad grazzie a 'n acord in tra i todesch e 'l cardinal Schuster, arcivesch de Milan, che 'l permeteva de menà i pret vesin a l'antifassism a l'ospizzi de Cesan Boscon.
El torna diretor del licee Manzon el 7 de masg 1945 e 'l resta preside fina al 1958
In del segond dopoguerra a l'è stad una figura important in la vita coltural de Lech: l'ha organizad un circol coltural e l'ha collaborad al scriver del statut del grup alpinistrgh di Ragn de la Grigneta. El so liber de memorie, intitolad Frammenti di Vita , a l'è publegad dopo de la mort in del 1959. A l'è stad miss sota in del cimiteri de Pastur.
Intitolazzion Gh'hann dedicad l'istitut comprensiv Lecco2 "Don Giovanni Ticozzi", un vial a Lech e una via a Pastur.
Riferiment
Bibliografia AA.VV. Una insigne figura lombarda: Don Giovanni Ticozzi (1897-1958). Istituto Lombardo Accademia di Scienze e Lettere 62 p. 2006 Giovanni Ticozzi. L'antico palazzo Secchi a Castello. Tipografia editrice Beretta, Lecco. 188 p. 1978 http://www.55rosselli.it/progetto%20catalano/pdf%20progetto%20catalano/catalano_stampa_web02.pdf. Silvio Puccio. " Una Resistenza". Casa Editrice Stefanoni Lecco. sd. Giorgio Cavalieri, Il custode del carteggio, Edizioni Piemme pagg. 87-90 e pagg. 127-151 1997 Giovanni Barbareschi, I cattolici e la Resistenza a sessant'anni dalla liberazione: memoria, identità, futuro , Editore In dialogo, 2006 ISBN 9788881234189
Categoria:Ceregh catolegh italian Categoria:Antifassista italian Categoria:Nassud in del 1897 Categoria:Mort in del 1958