La Ferrotramviaria a l'è una società per azzion che la se ocupa de straport publegh local in l'area Nord de Bari.
La gestiss i Ferrovie del Nord Bares, un servizzi ferroviari che 'l corr in tra la provincia de Bari e quella de Barletta-Andria-Trani, oltra a di servizzi de corriera in su la midema banda. Gh'hann anca un servizzi de straport mercanzia in su la red RFI.
A l'è stada fada su in del 1931 del cont Ugo Pasquini, ministrador delegad di Ferrovie del Sud-Est, per gestì la tramvia Bari-Barletta, a scartament redut, linia che poeu l'è trasformada in la ferrovia Bari-Barletta, verta del 1965. In del 2008 derven la ferrovia metropolitana de Bari, e del 2013 la gh'è una variant per el reoport.
El 12 de luj 2016 a gh'è un gram incident in tra Andria e Corato, indova che du treni se s'centen e lassen 23 mort.
Material rotabil Al dì d'incoeu la Ferrotramviaria la gh'ha: 5 Eletrotreni CAF Civity a 4 casse 3 Eletrotreni Stadler FLIRT a 4 casse 5 Eletrotreni Alstom Coradia a 4 casse 6 Eletrotreni Alstom Coradia a 3 casse
L'azienda la gh'ha anca di locomotive, soratut TRAXX, che inn doperade per el trafegh de mercanzia, e de manoeuvra. In passad, a gh'eren anca di treni in composizzion.
In del 2022, l'azienda la crompa vundes Pop, sgiamò doperad del servizzi ferrovieri regionali de Trenitalia.
Bibliografia Francesco Bloisi, Francesco Maria, Dalle concesse alle ferrovie regionali. Storia, tecnica ed evoluzione. Tuttotreno Tema n.24, Ponte San Nicolò, Duegi editrice, 2009. ISSN 1124-4232
Alter proget
Ligam de foeura Sit ofizzial
Vos corelade Ferrovia Bari-Barletta Ferrovia Bari-San Paolo Ferrovie del Nord Bares
Categoria:Aziende italiane